AFC Asian Cup 2023: ជំនួបរវាងឥណ្ឌូនេស៊ីនិងត៉ៃវ៉ាន់ត្រូវពន្យារពេលទៅខែតុលា
សហព័ន្ធកីឡាបាល់ទាត់ឥណ្ឌូនេស៊ី (PSSI) និងសហព័ន្ធកីឡាបាល់ទាត់តៃវ៉ាន់ (CTF) បានឈានដល់កិច្ចព្រមព្រៀងមួយ ពន្យាពេលការប្រកួតជម្រុះ Playoff ពានរង្វាន់ Asian Cup ឆ្នាំ ២០២៣ នៅខែតុលា។
ការប្រកួតជម្រុះពីរជើងត្រូវបានគេរំពឹងថានឹងធ្វើឡើងនៅថ្ងៃទី ៧ ខែកញ្ញាឆ្នាំ ២០២១ នៅប្រទេសឥណ្ឌូនេស៊ីសម្រាប់ជើងទីមួយ ហើយជើងទី២ បានកំណត់សម្រាប់ថ្ងៃទី ១២ ខែតុលាឆ្នាំ ២០២១ នៅតៃវ៉ាន់។
"យើងបានយល់ព្រមជាមួយសហព័ន្ធកីឡាបាល់ទាត់ឆាយនីសតៃប៉ិថា ការប្រកួតនៅជើងទី ១ នៅខែកញ្ញាត្រូវពន្យារពេលដល់ខែតុលា។ យើងនឹងស្នើលទ្ធផលនៃការពិភាក្សានេះទៅ AFC” នេះជាការលើកឡើងរបស់លោក Yunus Nusi អគ្គលេខាធិការ PSSI ដែលបានបង្ហាញថាភាគីទាំងពីរបានរៀបចំកិច្ចប្រជុំតាមអនឡាញមួយមុនការប្រកាសនេះ។
លោក Yunus Nusi បានបន្ថែមថាសមាគមកីឡាបាល់ទាត់ឥណ្ឌូនេស៊ីបានស្នើសុំពន្យារពេលការប្រកួតចាប់ពីខែកញ្ញាដល់ខែតុលាដោយសារតែចំនួនករណីកូវីដ -១៩ កើតឡើងច្រើនទាំងនៅឥណ្ឌូនេស៊ី និងតៃវ៉ាន់។
“ លើសពីនេះយើងក៏បានដឹងថា ដំណើរការធ្វើចត្តាឡីស័កនៃប្រទេសទាំងពីរនៅពេលនេះគឺមានភាពតឹងតែងណាស់។ នៅប្រទេសឥណ្ឌូនេស៊ីវាចាំបាច់ត្រូវដាក់ឲ្យ នៅដាច់ពីគេរយៈពេល ៨ ថ្ងៃ ខណៈនៅតៃវ៉ាន់គឺ ១៤ ថ្ងៃ។ ជាការពិតយើងត្រូវតែយកចិត្តទុកដាក់ចំពោះកត្តាទាំងនេះ»៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
