Alan Shearer ទស្សន៍ទាយថាក្រុមនេះ នឹងឈ្នះពាន PL រដូវកាលថ្មី តែមិនមែន Man City
តាមការយល់ឃើញរបស់អ្នករាល់គ្នា តើអ្នកគិតថារដូវកាលថ្មី ២០២១/២២ នៅ Premier League ដែលកំពុងចាប់ផ្តើមដំណើរការថ្មីថ្មោង ក្រុមណាមួយទៅនឹងក្លាយជាម្ចាស់ជើងឯកនៅបញ្ចប់រដូវកាល?
រំឭកទៅរដូវកាលមុនបន្តិច មេឃខៀវ Man City ជាអ្នកឈ្នះពាន នាំមុខ ១២ ពិន្ទុធៀបនឹងក្រុមលេខ ២ គឺ Manchester United។ យ៉ាងណានៅរដូវកាលថ្មី លោក Alan Shearer អតីតកីឡាករជើងចាស់របស់ជម្រើសជាតិអង់គ្លេស បានចុចយកឈ្មោះក្រុមមួយផ្សេងទៀត ដែលថានឹងឈ្នះជើងឯក។
ប្រាប់ BBC Sport លោក Shearer ថា៖ "បើទោះបី City យកបាន Kane ក៏ដោយ ក៏ខ្ញុំមិនទាន់គិតថា ការប្រជែងនៅ Premier League ត្រូវបញ្ចប់ត្រឹមប៉ុណ្ណឹងដែរ ព្រោះអីវាមិនជារឿងងាយទេ ជាពិសេសក្រោយពេល Chelsea ទើបតែយកបាន Romelu Lukaku ដោយយើងកំពុងនិយាយពីខ្សែប្រយុទ្ធល្អបំផុតមួយក្នុងលោក ដូច្នេះការមកដល់របស់ Lukaku គឺជាគ្រប់យ៉ាងដែលអាចជួយឲ្យក្រុមឈ្នះពានរង្វាន់បាន"។
ខាងលើគ្រាន់ជាការសង្ខេបសម្តីមួយឃ្លាប៉ុណ្ណោះពីលោក Shearer តែជារួមគឺលោកទស្សន៍ទាយថា៖ Chelsea បានលេខ ១, Man City បានលេខ ២, Man Utd បានលេខ ៣ និង Liverpool បានលេខ ៤៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
