មិនមែន Chelsea/Real ឬ Juve តែ Ronaldinho ថាក្រុមមួយនេះ ធំក្លិនពាន UCL បណ្តើរៗហើយ
ការប្រកួតពានរង្វាន់ UEFA Champions League រដូវកាលថ្មី ២០២១/២២ នឹងឈានដល់វគ្គចាប់ឆ្នោតរកក្រុមត្រូវតតាំងនៅវគ្គ ៣២ ក្រុមចុងខែសីហា មុនរំលងមួយខែដល់ខែកញ្ញាបើកការប្រកួតជុំទី ១/២។
យ៉ាងណាមុនបើករដូវកាលថ្មីសារនេះ អតីតវីរបុរសប្រេស៊ីលលោក Ronaldinho បានចុចឈ្មោះក្លឹបយក្សមួយថាធំក្លិនចំហាយពាន Champions League បណ្តើរៗហើយ នោះគឺ Paris Saint-Germain។
Ronaldinho បានបង្ហាញភាពរីករាយការដែលបានឃើញ Messi និង Ramos រួមក្លឹបតែមួយ ហើយអ្វីដែលពិសេស PSG ក៏ជាក្លឹបខ្លួនធ្លាប់រួមជើងកាលពីអតីតកាលដែរ ពោលនៅចន្លោះឆ្នាំ ២០០១ ដល់ ២០០៣។
សរសេរលើ Twitter បុរសវ័យ ៤១ ឆ្នាំថា៖ "វាពិតជារីករាយការដែលអ្នកអាចលេងឲ្យក្លឹបទាំងពីរនេះ [Barcelona&PSG] ហើយឥឡូវបានឃើញមិត្តភ័ក្ដិរបស់ខ្ញុំគ្រងឈុតមួយនេះ ដែលប្រហែលនឹងមានពេលវេលារីករាយជាច្រើនសម្រាប់ Leo [Messi]"។
លោកបន្ថែមទៀតថា៖ "ខ្ញុំក៏ពិតជារីករាយជាមួយដៃគូរបស់ខ្ញុំ @Sergioramos ដែលស្ថិតក្នុងក្រុមមួយនោះដែរ និយាយទៅគឺធំក្លិនចំហាយពាន Champions [League] បណ្តើរៗហើយ Hahaha"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
