Martial ថាពេលនេះមានកម្លាំងជួយ Man Utd ពេញលេញវិញហើយ
Martial ត្រូវបានបង្ខំឱ្យខកខានការបញ្ចប់យុទ្ធនាការ ២០២០/២១ និងយូរ៉ូ ២០២០ បន្ទាប់ពីរងរបួសជង្គង់យ៉ាងធ្ងន់ធ្ងរក្នុងកាតព្វកិច្ចអន្តរជាតិជាមួយបារាំង តែយ៉ាងណា! ពេលនេះរូបគេមានកម្លាំងពេញលេញហើយអាចលេងអស់សមត្ថភាពបានហើយ។
ថ្លែងទៅកាន់ទូរទស្សន៍ MUTV ខ្សែប្រយុទ្ធក្លិបបិសាចក្រហម Manchester United កីឡាករ Anthony Martial បាននិយាយថា៖ «ខ្ញុំមានអារម្មណ៍ល្អប្រសើរជាងមុនបន្ទាប់ពីរបួសអស់រយៈពេល ៥ ខែ"។
“ និយាយឱ្យត្រង់ទៅ! ខ្ញុំពិតជាសប្បាយចិត្តដែលបានចាប់ផ្តើមប្រកួតជាមួយ Everton បន្ទាប់ពីអស់រយៈពេលជាច្រើនខែដោយមិនបានលេង។ វាពិតជាអស្ចារ្យណាស់ដែលបានត្រលប់មកវិញ ជាពិសេសអ្នកគាំទ្ រនិងជ័យជម្នះដ៏អស្ចារ្យ"។
“ ជាមួយនឹងរដូវកាលដែលខ្ញុំមានកាលពីឆ្នាំមុន និងរបួសដ៏គួរឱ្យញញើតដែលបានរារាំងខ្ញុំមិនឱ្យឈានដល់ ១០០ ភាគរយ ខ្ញុំចាប់ផ្តើមធ្វើការងារល្អបំផុតរបស់ខ្ញុំ ដើម្បីធានាថាខ្ញុំនឹងត្រលប់មកវិញក្នុងទម្រង់លេងល្អបំផុតតាមដែលខ្ញុំអាចធ្វើបាន” ។
“ ខ្ញុំសង្ឃឹមថា ខ្ញុំអាចឈានដល់កម្រិតកាយសម្បទាពេញលេញរបស់ខ្ញុំឱ្យបានលឿនតាមដែលអាចធ្វើទៅបាន។ ខ្ញុំសង្ឃឹមថានឹងជៀសវាងការរងរបួស ហើយខ្ញុំពិតជាត្រៀមខ្លួន និងមានកាយសម្បទាល្អដើម្បីអាចមានរដូវកាលដ៏អស្ចារ្យនិងឈ្នះពានរង្វាន់ខ្លះ” ។
កីឡាករវ័យ ២៥ ឆ្នាំរូបនេះនឹងត្រូវប្រកួតប្រជែងជាមួយ Edinson Cavani សម្រាប់ការដាក់កីឡាករជម្រើស ១១ នាក់ដំបូងនៅ Old Trafford នៅរដូវកាលក្រោយជាមួយនឹងក្រុមបិសាចក្រហម Manchester United ក្នុងការជ្រើសរើសយកខ្សែប្រយុទ្ធម្នាក់ទៀតនៅរដូវក្តៅនេះ៕
ប្រភព៖ MUTV
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
