ប្រភពពីអ៊ីតាលីថា ខ្សែបម្រើសញ្ជាតិប្រេស៊ីលម្នាក់នេះនឹងចាកចេញពី Man Utd អចិន្ត្រៃយ៍ហើយ
Andreas Pereira ទំនងជាមិនបន្តជា Manchester United យូរទៀតទេ ដោយបិសាចក្រហម Manchester United កំពុងសម្លឹងរកការបោះបង់ចោលខ្សែបម្រើរូបនេះហើយ។
យោងតាមសារព័ត៌មានអ៊ីតាលី Corriere dello Sport បានឲ្យដឹងថាកីឡាករសញ្ជាតិប្រេស៊ីលរូបនេះ សុខចិត្តចាកចេញជាលក្ខណៈអចិន្រ្តៃយ៍ជាជាងចាកចេញក្នុងលក្ខខណ្ឌខ្ចីជើងរយៈពេលមួយរដូវកាលទៀត។
ក្រុមនៅ Serie A របស់អ៊ីតាលី និងក្លិបតួកគីមួយចំនួនត្រូវបានគេនិយាយថាចាប់អារម្មណ៍លើកីឡាករវ័យ ២៥ ឆ្នាំ ដែលអាទិភាពចម្បងរបស់គេគឺលេងបាល់ទាត់ក្នុងជម្រើសដំបូងនៅរដូវកាលក្រោយ បន្ទាប់ពីមានអាជីពច្របូកច្របល់អស់ជាច្រើនឆ្នាំ។
Pereira ត្រូវបានគេរាយការណ៍ថាបើកចំហដើម្បីចូលរួមជាមួយ Lazio ដើម្បីធ្វើការជាមួយ Maurizio Sarri ។ កីឡាកររូបនេះបានចូលរួមហ្វឹកហាត់មុនបើករដូវកាលនៅ Old Trafford ប៉ុន្តែលោក Ole Gunnar Solskjaer មិនឃើញគាត់ជាកីឡាករសំខាន់ឡើយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
