Laporta៖ “ក្លឹបនេះធ្លាប់ឲ្យ ២២៥ លានផោន ចង់ទិញយក Messi តែ Barca បដិសេធ”
Neymar Jr មានតម្លៃផ្ទេរចេញបំបែកកំណត់ត្រា ២២២ លានអឺរ៉ូ ឬជាង ១៩៨ លានផោន គ្រា Barcelona លក់ឲ្យ PSG នៅឆ្នាំ ២០១៧។ យ៉ាងណាបើត្រលប់ទៅអតីតកាលជាង ១០ ឆ្នាំមុន Messi អាចមានតម្លៃខ្ពស់ជាងហ្នឹងទៅទៀត ពោលល្មមអាចរក្សាកំណត់ត្រាមកទល់សព្វថ្ងៃបាន។
ផ្ទុយទៅវិញក្លឹប Barcelona ពុំបានសម្រេចចិត្តលក់ M10 ឲ្យទៅក្លឹបមួយនោះទេ រួចបន្តរក្សាទុកចុះឡើង រហូតដល់ផុតកុងត្រានិងពុំទទួលបានតម្លៃផ្ទេរសូម្បីតែមួយកាក់មួយសេន្ត។
តាមរយៈការបង្ហើបរបស់លោក Joan Laporta និយាយកាលពីខែមេសា ប្រាប់ Radio Onda Cero ថា៖ "យើង [Barcelona] ធ្លាប់បានបដិសេធសំណើ ២២៥ លានផោនពី Inter Milan នៅឆ្នាំ ២០០៦ កាលនោះ លោក [Massimo] Moratti ពិតជាចង់បាន Messi ទៅកាន់ក្លឹបរបស់គេខ្លាំង"។
បញ្ជាក់ឲ្យដឹងថាក្រៅពី PSG ដែលជាក្លឹបថ្មី កីឡាករអាហ្សង់ទីនបានចាយពេលសឹងតែមួយអាជីពនៅអ្នកមានបុណ្យ ដោយជួយក្លឹបឈ្នះពានរង្វាន់ជាច្រើន មិនក្រោម ៣០ លើកឡើយ។ ស្ថិតិជារួមរបស់កីឡាករវ័យ ៣៤ ឆ្នាំនៅក្លឹបម្ចាស់ដី Camp Nou គេបង្ហាញខ្លួន ៧៧ ប្រកួត រកបាន ៦៧២ គ្រាប់និង Assist ៣០៥ លើក។
គិតមកទល់ពេលនេះ ក្រោយចុះកុងត្រាថ្មីរយៈពេល ២ ឆ្នាំជាមួយក្លឹបនៅទីក្រុងប៉ារីស Messi ក៏អាចមានតម្លៃផ្ទេរចេញលើសពី ៥០ លានអឺរ៉ូ ប្រសិនជាក្លឹបណាចង់បានបន្ទាប់នៅរយៈពេលថ្មីថ្មោង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
