ក្តៅ! PSG ចង់យក Ronaldo មករួមក្រុមជាមួយ Messi តែដកម្នាក់នេះចេញវិញ
ព័ត៌មានក្តៅគគុកមួយបានចុះផ្សាយនៅមុននេះបន្តិចពីសារព័ត៌មាន AS ដែលបានឲ្យដឹងថា ក្លឹបបារាំង Paris Saint-Germian កំពុងមានផែនការណ៍ចង់បង្រួបបង្រួម Lionel Messi និង Cristiano Ronaldo ទៅក្នុងក្រុមតែមួយ ដោយចង់សម្រេចឲ្យកើតឡើងបាននៅឆ្នាំក្រោយ ២០២២។
ប្រភពបានឲ្យដឹងថា ប្រធានក្លឹបលោក Nasser Al-Khelaifi នឹងនាំយក CR7 នៅលក្ខខណ្ឌផ្ទេរឥតតម្លៃខ្លួនចេញពី Juventus ក្រោយលោកអស់សុពលភាពនៅចុងខែមិថុនា ឆ្នាំ ២០២២ ហើយក៏ដឹងដែរថា សាមីខ្លួនគេមិនចង់បន្តកុងត្រាថ្មីនៅសេះបង្កង់នោះទេ។
ការនាំយកបុរសវ័យ ៣៧ ឆ្នាំមករួមជើងជាមួយ M10 ក៏ក្លឹបមានផែនការណ៍វ៉ៃចេញកីឡាករសំខាន់ម្នាក់ទៅវិញដែរ នោះគឺ Kylian Mbappe ដែលត្រូវផុតកុងត្រានៅឆ្នាំក្រោយ ២០២២ ដែរ។ PSG រំពឹងនឹងផ្តល់កុងត្រារយៈពេល ២ ឆ្នាំឲ្យកីឡាករព័រទុយហ្គាល់ដើម្បីឲ្យគេអាចឈរជើងនៅក្លឹបមានមូលដ្ឋានក្នុងទីក្រុងប៉ារីសដល់ពេលមានអាយុ ៣៩ ឆ្នាំ។
រំឭកថា បើផែនការណ៍នេះសម្រេចទៅបាន គឺ PSG នឹងមិនល្មើសច្បាប់ FFP អ្វីនោះឡើយ ព្រោះអីបើដក Mbappe ម្នាក់ ហើយបំពេញ Ronaldo មកវិញ គឺខ្ទង់ចំណាយក៏ប្រហាក់ប្រហែលបច្ចុប្បន្ន ឬអស់ច្រើនវ៉ៃចេញកីឡាករមិនសូវសំខាន់តែ ១-២ រូបទៀតជាការស្រេច។ គ្រប់យ៉ាងស៊ីសងលើការជ្រើសរើសរបស់ Ronaldo តែម្នាក់ប៉ុណ្ណោះ ថាចង់បន្តនៅ Juventus ឬមករួបរួមជាមួយ Messi នៅក្លឹបតែមួយ?
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
