Sergio Ramos និយាយបែបណាពេល Messi រកផ្ទះស្នាក់នៅក្នុងទីក្រុងប៉ារីសមិនទាន់បាន?
Sergio Ramos បានផ្តល់ជម្រើសដល់ Lionel Messi ក្នុងការមិនបង់ថ្លៃសណ្ឋាគារស្នាក់នៅលើសលប់នៅប៉ារីសមុនពេលរកបានផ្ទះថ្មីក្រោយពេលផ្ទេរទៅលេងនៅក្លិប Paris Saint0Germain។
Ramos បាននិយាយទៅកាន់ Messi ដូចនៅក្នុង El Pais ថា៖“ ប្រសិនបើអ្នកនិងគ្រួសាររបស់អ្នកចូលចិត្តនៅផ្ទះជាជាងនៅសណ្ឋាគារ អ្នកអាចស្នាក់នៅផ្ទះខ្ញុំសិនទៅក៏បាន” ។
Ramos បានបង្ហាញការគោរពចំពោះ Messi ចាប់តាំងពីផ្លាស់ទៅ PSG ខណៈដែលកីឡាករសញ្ជាតិអេស្ប៉ាញរូបនេះ បាននិយាយនៅក្នុងបទសម្ភាសន៍ដំបូងរបស់គាត់ក្នុងនាមជាកីឡាកររបស់ PSG ថា Messi គឺជាកីឡាករដ៏អស្ចារ្យបំផុតគ្រប់ពេលវេលា។
ទាំង Ramos និង Messi បានចូលរួមជាមួយ PSG ក្នុងនាមជាកីឡាករគ្មានតម្លៃខ្លួន នៅក្នុងទីផ្សារដោះដូរកីឡាករដ៏គួរឱ្យភ្ញាក់ផ្អើល ខណៈកីឡាករទាំងពីរជារូបតំណាងឱ្យកីឡាករបាល់ទាត់ក្នុងលីគកំពូលអេស្ប៉ាញជាង១០ឆ្នាំទៅហើយនោះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
