Liverpool ចូលប្រជែង Barca លើការថ្ពក់យកមិត្តរួមជម្រើសជាតិរបស់ Ronaldo ម្នាក់
ក្លឹបហង្សក្រហម Liverpool ត្រូវបានគេរាយការណ៍ថា កំពុងចូលខ្លួនទៅប្រជែងលើការចង់បានខ្សែបម្រើរបស់ក្លឹបម្ចាស់ជើងឯក Ligue 1។ នោះគឺ Renato Sanches ជាកីឡាករដ៏សកម្មមួយរូបនៅរយៈពេលចុងក្រោយរបស់ក្លឹប Lille។
Barcelona ក៏ជាក្លឹបមួយដែលសម្លឹងឃើញសមត្ថភាពកីឡាករសញ្ជាតិព័រទុយហ្គាល់រូបនេះផងដែរ តែចរចាមិនត្រូវរ៉ូវ ព្រោះអីក្លឹប Lille ទាមទារតម្លៃខ្លួនគេប្រមាណ ៤០ លានអឺរ៉ូ ដល់ឥឡូវ Liverpool នៅឯអង់គ្លេស ក៏សម្រេចចូលមកចរចាដែរហើយ។
គួរឲ្យដឹងថា បុរសវ័យ ២៣ ឆ្នាំនៅសេសសល់សុពលភាពកុងត្រាជាមួយ Lille ដល់ចុងខែមិថុនា ឆ្នាំ ២០២៣ ហើយគេទើបតែជួយឲ្យក្លឹបឈ្នះពានរង្វាន់ Ligue 1 និង Trophee des Champions កាលពីពេលកន្លងទៅនេះ។ ចាយពេល ៦០ ប្រកួត គេរកបាន ៥ គ្រាប់និង Assist ៥ លើក។
សម្រាប់ Liverpool ការដែលចង់បាន Sanchez ព្រោះអីចង់យកមកបំពេញចន្លោះ ដែល Georginio Wijnaldum ទើបតែចាកចេញទៅចូលរួមនៅ PSG។ កីឡាករព័រទុយហ្គាល់ខាងលើធ្លាប់មានបទពិសោធន៍លេងនៅអង់គ្លេសម្តងដែរ កាលខ្ចីជើងទៅក្លឹប Swansea នៅរដូវកាល ២០១៧/១៨៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
