ស៊យហើយ! ប្រកួតប៉ះ Leeds ចុងសប្ដាហ៍នេះ Man Utd ប្រហែលគ្មានជើងប្រយុទ្ធ ២ រូបនេះទេ
នៅវេលាម៉ោង ០៦:៣០ នាទីល្ងាច ថ្ងៃសៅរ៍ ទី ១៤ សីហា សម្រាប់ជំនួប Man Utd និង Leeds United គឺជាប្រកួតបើកឆាកមួយហើយនៅក្របខ័ណ្ឌ Premier League ដែលជាជំនួបជុំទី ១។
យ៉ាងណាយើងទទួលបានដំណឹងមកថា ក្លឹបដឹកនាំដោយអ្នកចាត់ការលោក Ole Gunnar Solskjaer ប្រហែលជានឹងត្រូវខកខានជើងប្រយុទ្ធសំខាន់ ២ រូបនៅខាងលើ មាន Marcus Rashford និង Edinson Cavani។
សម្រាប់ Rashford គឺយើងច្បាស់ ១០០ ភាគរយហើយ ព្រោះគេទើបតែឆ្លងកាត់ការវះកាត់របួសនៅថ្ងៃសុក្រ ដែលទាមទារពេលវេលាសម្រាកមួយរយៈសិន។ ស្របពេលដែល Cavani បើតាមសារព័ត៌មាន The Athletic ចុះផ្សាយ គឺគេមិនទាន់ត្រលប់មកវិញ ក្រោយពីបន្ថែមវិស្សមកាលឈប់សម្រាកយូរជាងកីឡាករឯទៀត។
លើសពីនេះ Varane ដែលជាខ្សែការពារចំណូលថ្មីក៏ដូចគ្នា មិនទាន់អាចមកចូលរួមហ្វឹកហាត់ស្រួលបួលនៅឡើយ ពោលមានតែ Jadon Sancho ប៉ុណ្ណោះដែលសង្ឃឹមខ្ពស់ អាចមានវត្តមានក្នុងការប្រកួតខាងមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
