លោក Tuchel ប្រាប់មូលហេតុចុះកុងត្រាយក Romelu Lukaku មកលេងនៅ Chelsea ជាថ្មីម្ដងទៀត
លោក Thomas Tuchel បាននិយាយនៅក្នុងបទសម្ភាសន៍របស់គាត់ជាមួយទូរទស្សន៍ Sky Sports ថា Romelu Lukaku គឺជាកីឡាករពិសេសដែលចំណុចល្អ ហើយនេះជាមូលហេតុដែលគាត់ចុះកុងត្រាយកពី Inter Milan។
“ Romelu គឺជាបុរសម្នាក់ដូចជា Haaland នៅ Dortmund, Lewandowski នៅ Bayern, Harry Kane នៅ Tottenham ដែលជាកីឡាករលេខ ៩ ពិតប្រាកដ និងចូលចិត្តរកគ្រាប់បាល់ និងមានវត្តមាននៅក្នុងប្រអប់” ។
លោក Tuchel បានបន្ថែមថា“ រឿងទាំងនេះមិនមែនជាអាថ៌កំបាំងទេ"។
លោក Tuhel ក៏បាននិយាយផងដែរអំពីគូប្រជែងក្រុមតោខៀវ Chelsea របស់លោក គឺ Manchester City ក្នុងការចុះហត្ថលេខាជាមួយ Jack Grealish និងតម្រង់គោលដៅដើម្បីចុះហត្ថលេខាយក Harry Kane ពីក្រុមTottenham ។
លោក Tuchel បាននិយាយថា៖ "ពួកគេគឺជាការចុះហត្ថលេខាដ៏ធំ ហើយយើងក៏កំពុងព្យាយាមធ្វើឱ្យក្រុមរបស់យើងមានភាពប្រសើរឡើងផងដែរ។ ក្នុងពេលជាមួយគ្នានេះ យើងផ្តល់ថាមពលទាំងអស់ដល់កីឡាករដែលយើងមាន។"
Lukaku បានបញ្ចប់ការពិនិត្យសុខភាពនៅទីក្រុង Milan មុនពេលផ្ទេរទៅ Chelsea ហើយពេលនេះរូបគេបានមកដល់ទីក្រុងឡុងដុងដ៏ហើយដោយរង់ចាំតែការប្រកាសផ្លូវការតែប៉ុណ្ណោះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
