Depay, Aguero, Emerson និង Garcia កំពុងជួបហានីភ័យខណៈ Barca មិនអាចបញ្ចូលឈ្មោះក្នុងបញ្ជីកីឡាករបាន
តាមរយៈលោក Ramon Alvarez de Mon អ្នកសារព័ត៌មានរបស់កាសែត Gol ក្រុមអ្នកមានបុណ្យ FC Barcelona នៅតែមិនអាចចុះឈ្មោះកីឡាករទើបចុះកុងត្រាទាំងថ្មីទាំង ៤ រូបដូចជា Memphis Depay, Emerson, Eric Garcia និង Sergio Aguero ។
ដូចដែលបានគណនាដោយប្រភពជាច្រើន Barca ត្រូវការសន្សំប្រាក់ធ្វើជាដើមទុនបម្រុង ១២៨ លានផោន និងសន្សំលុយសម្រាប់ប្រាក់ឈ្នួល ១៤៤ លានផោន។បើមិនមានការកាត់ប្រាក់ឈ្នួលពីកីឡាករ Barca មួយចំនួនទេ កីឡាករថ្មីទាំងបួននាក់នេះនឹងមិនអាចលេងឱ្យក្លឹបនៅរដូវកាលក្រោយបានទេ។
មែនទែនទៅ! Barcelona ដឹងថាពួកគេមិនអាចចុះកុងត្រាយកកីឡាករថ្មីណាម្នាក់មកបានទេក្នុងរដូវកាលនេះ។ ទោះបីជា Messi ចាកចេញហើយក្លិបមិនបាច់ចំណាលុយប្រាក់ឈ្នួលឱ្យកីឡាករអាហ្សង់ទីនរូបនេះ ក៏ពួកគេនៅតែចំណាយលុយលើប្រាក់ឈ្នួលលើសការកំណត់ដដែល។
ការមិនបន្តកុងត្រាឱ្យ Messi មិនអាចដោះស្រាយបញ្ហារបស់ក្លិបដែលកំពុងជួបប្រទះបានឡើយ គឺទាល់តែកីឡាករក្នុងក្រុមយល់ព្រមកាត់ប្រាក់ឈ្នួលក្នុងកម្រិតខ្ពស់ណាមួយនោះ ទើប Barcelona អាចយកចំណែកលុយដែលកាត់បានទៅបង់ប្រាក់ឱ្យកីឡាករថ្មីទើបចុះកុងត្រានោះបាន(អាចមិនគ្រប់ដដែល)។
ចាំមើលថាតើក្លិបនឹងដោះស្រាយបែបណាទៀត!!
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
