Inter Milan ចង់ខ្ចីជើង Anthony Martial ក្នុងរយៈពេលមួយរដូវកាល តែ Man Utd ថាមានជម្រើសទិញផ្ដាច់មួយទៀតក៏ល្អ
លោក Simon Mullock អ្នករាយការណ៍ព័ត៌មានរបស់ Daily Mirror ដែលជាប្រភពគួរឱ្យទុកចិត្តមួយបានឱ្យដឹងថា Inter Milan ចាប់អារម្មណ៍ក្នុងការយក Anthony Martial ក្នុងលក្ខខណ្ឌខ្ចីជើងពេញមួយរដូវកាល ស្របពេលដែល Romelu Lukaku ជិតត្រលប់មក Chelsea វិញ។
Inter ចង់ចុះហត្ថលេខាលើ Martial តាំងពីឆ្នាំ ២០១៩ មកម្ល៉េះ ប៉ុន្តែវាមិនដំណើរការទេ ហើយពេលនេះក្លិបដែលកាន់កាប់ដោយក្រុមហ៊ុនចិនត្រៀមខ្លួនព្យាយាមបញ្ចុះបញ្ចូលម្តងទៀត។
ខណៈដែលក្រុមលេងក្នុងលីគអ៊ីតាលីមួយនេះចង់បានរូបគេក្នុងលក្ខខណ្ឌខ្ចីជើងនោះ Daily Mirror យល់ថា Manchester United នឹងយល់ព្រមលុះត្រាតែមានកាតព្វកិច្ចទិញផ្ដាច់ក្នុងកិច្ចព្រមព្រៀងនេះ។
បិសាចក្រហមត្រូវបានគេរាយការណ៍ថាមានបំណងចង់លក់ Martial នៅរដូវក្តៅ ដោយកីឡាករសញ្ជាតិបារាំងរូបនេះហាក់មិនបានបង្ហាញទម្រង់លេងល្អដូចគាត់មកកាលពីប៉ុន្មានឆ្នាំមុន។
ប្រសិនបើមានការលក់មែន United ត្រូវតែព្យាយាមយកមកវិញនូវទឹកប្រាក់ចំនួន ៥០ លានផោន ដែលពួកគេបានចំណាយដើម្បីចុះហត្ថលេខាលើរូបគេកាលពីឆ្នាំ២០១៥ តាមគ្រប់រូបភាពដែលអាចធ្វើទៅបាន៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
