លោក Perez ថា Raul នឹងក្លាយជាអ្នកចាត់ការទូទៅរបស់ Real នាពេលអនាគត និងពន្យល់ពីមូលហេតុដែលវាមិនកើតឡើងនៅឆ្នាំនេះ
ប្រធានក្លិប Real Madrid លោក Florentino Perez បាននិយាយថាពេលនេះមិនទាន់ដល់ពេលដែលអតីតខ្សែប្រយុទ្ធ Real Madrid លោក Raul ឡើងជាគ្រូបង្វឹកក្រុមឈុតធំរបស់ស្ដេចសនោះទេ។
លោក Florentino Perez បានសម្រេចចិត្តតែងតាំងលោក Carlo Ancelotti ជាគ្រូបង្វឹក Real Madrid បន្ទាប់ពីលោក Zidane បានលាឈប់ពីតំណែង។ Raul ត្រូវបានគេរាយការណ៍ថាស្ថិតក្នុងចំណោមបេក្ខជនជាច្រើន ដែលត្រូវបានគេពិចារណាសម្រាប់ការងារនេះ។ គាត់នឹងនៅតែជាអ្នកចាត់ការក្រុម Real Madrid Castilla សម្រាប់រដូវកាលខាងមុខនេះ បើទោះបីជាមានការលេចលឺព័ត៌មានពីចំណាប់អារម្មណ៍របស់ក្លិបអាល្លឺម៉ង់ Eintracht Frankfurt ក៏ដោយ។
នៅពេលដែលអ្នកកាសែតសួរអំពីការស្វែងរកគ្រូបង្វឹកថ្មីរបស់ Real Madrid លោក Florentino Perez បានប្រាប់ទៅ Onda Cero ថា៖ «យើងត្រូវការបទពិសោធន៍បន្ថែមទៀត ហើយ Raul នឹងទទួលបានបទពិសោធន៍ពីមួយឆ្នាំទៅមួយឆ្នាំ។ ថ្ងៃណាមួយវានឹងកើតឡើង - គាត់មានគុណសម្បត្តិទាំងអស់ ដែលអ្នកត្រូវមានដើម្បីបង្វឹក Real Madrid "។
ប្រភព៖ Onda Cero
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
