អីគេ! Van de Beek ចង់ទៅចូលរួមជាមួយ Arsenal ?
តាមការរាយការណ៍ពីកាសែតមួយបានឲ្យដឹងថា Donny van de Beek ចង់នៅ Premier League បន្តទៀត ប្រសិនបើគាត់ចាកចេញពីក្រុម Manchester United នៅរដូវក្តៅនេះ។
យោងតាមប្រភពពី FCInterNews ដែលជាប្រភពលំដាប់ទី ៣ នៃប្រទេសអ៊ីតាលី បានអោយដឹងថា De Beek ពេញចិត្តក្នុងការចូលរួមជាមួយក្រុម Arsenal ទោះបីជាមានការចាប់អារម្មណ៍ពីក្រុមបីនៃក្របខ័ណ្ឌ Serie A ក៏ដោយ។
ក្លិប Inter Milan, AC Milan និង AS Roma របស់លោក Jose Mourinho ត្រូវបានគេរាយការណ៍ថាចាប់អារម្មណ៍នឹងកីឡាករវ័យ ២៤ ឆ្នាំរូបនេះចំពេលដែលគាត់មិនមានពេលវេលាលេងគ្រប់គ្រាន់នៅ Old Trafford កាលពីរដូវកាលមុន។
ទោះបីជាភ្នាក់ងាររបស់ Van de Beek បានរិះគន់ពាក្យចចាមអារាមអំពីការចាកចេញកាលពីដើមខែនេះក៏ដោយ វាពិតជាពិបាកក្នុងការមើលឃើញថាក្រុមបិសាចក្រហមរបស់ខ្សែបម្រើនេះអាចឲ្យគាត់ទទួលបានឱកាសលេងនៅរដូវកាលក្រោយបានគ្រប់គ្រាន់ លើកលែងតែ Paul Pogba ចាកចេញពីក្លឹប៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
