កិច្ចព្រមព្រៀងរវាង Man Utd និង Sancho នឹងដល់ភាគបញ្ចប់នៅអាទិត្យក្រោយ
Man United ត្រូវបានគេរំពឹងថានឹងបញ្ចប់កិច្ចព្រមព្រៀង ដើម្បីចុះហត្ថលេខាយក Jadon Sancho ពីក្លិប Dortmund នៅសប្តាហ៍ក្រោយនេះបើយោងតាមសំដីរបស់អ្នកកាសែត Paul Hirst ដែលអាចទុកចិត្តបាន។
បិសាចក្រហម Manchester United បានដាក់សំណើជាទឹកប្រាក់ចំនួន ៨៥ លានអឺរ៉ូ (៧២.៥ លានផោន) តែត្រូវបាន Borussia Dortmund ច្រានចោល ប៉ុន្តែក្លិបទាំងពីរមានឆន្ទៈក្នុងការសម្របសម្រួលដើម្បីទទួលបានកិច្ចព្រមព្រៀងមួយឲ្យសម្រេចជោគជ័យ។
អ្នកកាសែតខាងលើបានបន្តទៀតថា កិច្ចព្រមព្រៀងនឹងបញ្ចប់នៅអាទិត្យក្រោយ ប៉ុន្តែការប្រកាសផ្លូវការនឹងមិនអាចធ្វើក្នុងពេលឆាប់ៗនេះទេ ដរាបណា Jadon Sancho មិនទាន់ចប់ភារកិច្ចជាមួយជម្រើសជាតិអង់គ្លេសក្នុងព្រឹត្តិការណ៍ Euro2020។
Man Utd ផ្ដល់កិច្ចសន្យារយៈពេល ៥ ឆ្នាំ ហើយកីឡាករអង់គ្លេសរូបនេះក៏យល់ព្រមរួចហើយដែរ ដោយ United ត្រូវបានគេរាយការណ៍ថាបានចំណាយប្រាក់ចំនួន ៣៥០,០០០ ផោនក្នុងមួយសប្តាហ៍សម្រាប់ថ្លៃកម្លាំងពលកម្ម។
Sancho នឹងស្ថិតក្នុងចំណោមកីឡាករនាចូលចំនួន៣ឬ៤នាក់នៅរដូវកាល ខណៈដែលលោក Ole Gunnar Solskjaer ចង់ពង្រឹងបិសាចក្រហមអាចប្រជែងពានរង្វាន់លីគកំពូលអង់គ្លេស និងពានរង្វាន់ដទៃទៀតបាន៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
