ផ្លូវការ៖ ជម្រើសជាតិកម្ពុជាជួបកោះហ្គាមក្នុងវគ្គជម្រុះ Playoff ពានរង្វាន់ AFC Asian Cup 2023
តាមរយៈការចាប់ឆ្នោតពីទីស្នាក់ការរបស់សហព័ន្ធកីឡាបាល់ទាត់ទ្វីបអាស៊ី ក្រុមជម្រើសជាតិកម្ពុជានឹងត្រូវជួបក្រុមកោះហ្គាម ក្នុងវគ្គជម្រុះ Playoff ពានរង្វាន់ AFC Asian Cup 2023 ។
ចំណែកមួយគូទៀតគឺជម្រើសជាតិឥណ្ឌូនេស៊ីនឹងត្រូវជួបជម្រើសជាតិឆាយនីសតៃប៉ិ។ សម្រាប់កាលបរិច្ឆេទប្រកួតវិញនឹងត្រូវលេង២ជើងដោយជើងទីមួយលេងនៅថ្ងៃទី០៧ ខែកញ្ញាឆ្នាំ២០២១ ខណៈជើងទី២ជួបគ្នានៅថ្ងៃទី ១២ខែតុលាឆ្នាំ២០២១។ សម្រាប់វគ្គនេះ! ក្រុមដែលឈ្នះទាំងពីរជើងចំនួន២ក្រុមនឹងឡើងទៅបង្គ្រប់២កៅអីដែលនៅសល់ក្នុងការប្រកួតវគ្គជម្រុះជុំទី៣ដែលមាន២២ក្រុមកំពុងរង់ចាំជាស្រេច។
ដោយឡែកសម្រាប់ការប្រកួតវគ្គជម្រុះ Playoff នេះគឺមិនទាន់ដឹងថាតើត្រូវប្រកួតក្នុងប្រទេសកម្ពុជាឬទឹកដីកណ្ដាលនោះទេ។ ខណៈដែលមាន១៣ក្រុមរង់ចាំជាស្រេចនៅជុំផ្ដាច់ព្រ័ត្រ ការប្រកួតជុំទី៣នឹងរើសយក១១ក្រុមដើម្បីឡើងទៅតែម្ដង៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
