គ្រូបង្វឹកវៀតណាមថា ឡើងកាន់តែខ្ពស់ កម្រិតនៃការប្រកួតប្រជែងកាន់តែខ្លាំងសម្រាប់វៀតណាម
បន្ទាប់ពីទទួលបានកៅអីឡើងទៅវគ្គជម្រុះជុំទី ៣ នៃព្រឹត្តិការណ៍ FIFA World Cup ឆ្នាំ ២០២២ លោក Park Hang-seo គ្រូបង្វឹកក្រុមជម្រើសជាតិវៀតណាមបានទទួលស្គាល់ថាភារកិច្ចខាងមុខនឹងមានការប្រកួតប្រជែងកាន់តែខ្លាំង។
ជម្រើសជាតិវៀតណាមបានបង្កើតប្រវត្តិសាស្រ្តនៅពេលពួកគេបានឡើងទៅវគ្គជម្រុះជុំទី ៣ FIFA World Cup តំបន់អាស៊ី ។ ពួកគេឡើងទៅក្នុងមានជាក្រុមចំណាត់ថ្នាក់លេខ ២ ល្អបំផុតជជាមួយប្រទេសចំនួន ១១ ផ្សេងទៀតសម្រាប់ការប្រកួតជុំនេះ។ លោក Hang-seo នៅសប្តាហ៍នេះបាននិយាយថា៖“ ក្រុមដែលយើងនឹងត្រូវប្រកួតនៅជុំចុងក្រោយគឺល្អជាងពួកយើងមួយកម្រិត” ។
"ខ្ញុំបាននិយាយជាមួយកីឡាកររួចហើយ។ វាមានភាពខុសគ្នាខ្លាំងរវាងកម្រិតនៃជុំចុងក្រោយ និងជុំទី ២ ។ ខ្ញុំដឹង ព្រោះខ្ញុំបានឆ្លងកាត់វា។ វានឹងមានបញ្ហាប្រឈមជាច្រើន ប៉ុន្តែខ្ញុំនឹងព្យាយាម។ វានឹងក្លាយជាបទពិសោធន៍ដ៏មានតម្លៃសម្រាប់កីឡាករក្នុងការប្រកួតប្រជែងជាមួយក្រុមកំពូល ៗ នៅអាស៊ី"។
ការចាប់ឆ្នោតជ្រើសរើសពូលសម្រាប់ជុំទី ៣ នឹងធ្វើឡើងនៅទីស្នាក់ការកណ្ដាលរបស់ AFC នៅថ្ងៃទី ១ ខែកក្កដាឆ្នាំ ២០២១ ដែលមាន ១២ ក្រុមត្រូវបែងចែកជា ២ ពូលមាន ៦ ក្រុម។
ក្រុមលេខ១និងលេខ២ មកពីពូលនីមួយៗនឹងឡើងទៅយកកៅអីជុំផ្ដាច់ព្រ័ត្រ FIFA World Cup ឆ្នាំ ២០២២ នៅប្រទេសកាតា។ វគ្គជម្រុះជុំទី ៣ នៃការប្រកួតជម្រុះ FIFA World Cup ឆ្នាំ ២០២២ នឹងត្រូវធ្វើឡើងនៅចន្លោះថ្ងៃទី ២ ខែកញ្ញាឆ្នាំ ២០២១ និងថ្ងៃទី ២៩ ខែមីនាឆ្នាំ ២០២២ ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
