AFC មានបំណងលុបចោលការប្រកួតពានរង្វាន់ AFC Cup តំបន់អាស៊ានយើង
ស្ថាប័នបាល់ទាត់ធំជាងគេនៅទ្វីបអាស៊ី ពោលគឺសហព័ន្ធបាល់ទាត់អាស៊ី (AFC) កំពុងពិចារណាលុបចោលការប្រកួតបាល់ទាត់ AFC Cup ប្រចាំតំបន់អាស៊ានឆ្នាំ ២០២១ ដោយសារតែការលំបាកក្នុងការស្វែងរកម្ចាស់ផ្ទះសម្រាប់ការប្រកួត។
ព័ត៌មាននេះបានចែករំលែកនៅលើបណ្តាញទំនាក់ទំនងសង្គមធ្វីតធឺរ ASEAN Football ដែលរហូតមកដល់ពេលនេះគ្មានប្រទេសណាមួយត្រៀមខ្លួនធ្វើជាម្ចាស់ផ្ទះនោះទេ។ យោងតាមអគ្គលេខាធិការ AFC លោក Datuk Windsor Paul John បាននិយាយថា គ្មានប្រទេសណាមួយដែលស្ថិតក្រុមដែលចូលរួមប្រកួតប្រជែង ឬរកទឹកដីកណ្ដាលបានត្រៀមខ្លួនជាស្រេចក្នុងការធ្វើជាម្ចាស់ផ្ទះនោះទេស្របពេល ជំងឺCOVID-១៩ ដែលកំពុងរាតត្បាតពិភពលោក ពិសេសក្នុងតំបន់អាស៊ីអាគ្នេយ៍នេះតែម្ដង។
#News | AFC CONSIDERS TO CANCEL AFC CUP 2021 - ASEAN ZONE
AFC general secretary Datuk Windsor John said: "There are no hosts yet from the participating teams and also no neutral venues available. We have asked the committee to make a decision within next week. " pic.twitter.com/HJGhUCdXcc
— ASEAN FOOTBALL (@theaseanball) June 20, 2021
ដូច្នេះលោកបានណែនាំគណៈកម្មាធិការប្រកួតប្រជែងសម្រេចចិត្តលើជោគវាសនាការប្រកួតប្រជែងពានរង្វាន់ AFC Cup ក្នុងតំបន់អាស៊ាននៅសប្តាហ៍នេះ។ កាលពីមុនប្រទេសសិង្ហបុរីត្រូវបានជ្រើសរើសធ្វើជាម្ចាស់ផ្ទះសម្រាប់ការប្រកួតវគ្គចែកពូល ប៉ុន្តែប្រទេសនេះបានសំរេចដកខ្លួនដោយសារមូលហេតុជាក់លាក់របស់ខ្លួន។
ដូចនេះមានន័យថាក្លិបបាល់ទាត់បឹងកេត អេហ្វស៊ី និងក្លិបវិសាខា ដែលតំណាងឲ្យកម្ពុជា នឹងត្រូវខកខានបន្តទៀតប្រសិនបើរកម្ចាស់ផ្ទះមិនបានខណៈរដូវកាលមុនក្លិបព្រះខ័នរាជស្វាយរៀងខកម្ដងរួចបាត់ទៅហើយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
