លោក Akira Nishino សុំទោសអ្នកគាំទ្របាល់ទាត់ថៃក្រោយបង្កើតកំហុសមួយឲ្យជម្រើសជាតិធ្លាក់ដុនដាបខ្លាំង
លោក Akira Nishino គ្រូបង្វឹកក្រុមជម្រើសជាតិថៃបានសារភាពកំហុសរបស់ខ្លួនដែលបណ្តាលឱ្យក្រុមដំរីសង្គ្រាមថៃបរាជ័យក្នុងការបំពេញតួនាទីយ៉ាងល្អក្នុងវគ្គជម្រុះជុំទី ២ នៃព្រឹត្តិការណ៍ World Cup / ២០២៣ នៃព្រឹត្តិការណ៍ Asian Cup ។
ថៃចាញ់ម៉ាឡេស៊ី ១-០ ក្នុងវគ្គជម្រុះចុងក្រោយក្នុងពូលហើយលទ្ធផលនេះបានចោទជាសំនួរអំពីអនាគតគ្រូបង្វឹកសញ្ជាតិជប៉ុនជាមួយជម្រើសជាតិថៃបានយូរប៉ុណ្ណាទៀត។ លោក Nishino បានទទូចថាគាត់បានធ្វើខុស ទាក់ទងនឹងការជ្រើសរើសកីឡាករ ហើយបានសុំទោសចំពោះកីឡាករដែលមិនមានឈ្មោះក្នុងជម្រើសជាតិលើកនេះ ក៏ដូចជាអ្នកគាំទ្របាល់ទាត់របស់ប្រទេសនេះផងដែរ។
“ ឆ្លងកាត់ដំណើររបស់យើង កីឡាករទាំងអស់បានខិតខំហើយ ខ្ញុំសារភាពថាមានកំហុសរបស់ខ្ញុំគឺ ការជ្រើសរើសកីឡាករ"។
លោក Akira Nishino បាននិយាយថា៖ "ខ្ញុំចង់សុំទោសដល់កីឡាករដែលមិនមានឱកាសលេងជាមួយក្រុមជម្រើសជាតិ។ ប៉ុន្តែខ្ញុំចង់ឱ្យពួកគេយល់ថា មិនមែនកីឡាករទាំងអស់ដែលខ្ញុំបានហៅ មិនអាចទៅលេងនៅអារ៉ាប់រួមបានទេ" ។
ជម្រើសជាតិថៃបានធ្លាក់ចុះទម្រង់លេងយ៉ាងសម្បើម ដោយគ្មានការចូលរួមពីសំណាក់កីឡាករសំខាន់ៗមួយចំនួនដូចជា Chanathip Songkrasin និង Theerathon Bunmathan ដោយសារបញ្ហារបួស ក៏ដូចជាបញ្ហារឹតត្បិតដែលដាក់ចេញដោយរដ្ឋាភិបាលអារ៉ាប់រួម (UAE) ។
បន្ទាប់ពី ៨ ប្រកួតកន្លងមកថៃអាចបញ្ចប់ត្រឹមចំណាត់ថ្នាក់លេខ ៤ ក្នុងពូល G ដោយមាន ៣ ពិន្ទុតាមពីក្រោយប្រទេសម៉ាឡេស៊ី ដែលបានបញ្ចប់ក្នុងចំណាត់ថ្នាក់លេខ ៣ ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
