🚨ផ្លូវការ៖ Sergio Ramos ចាកចេញពី Real Madrid ហើយ!
Sergio Ramos នឹងចាកចេញពី Real Madrid នៅថ្ងៃព្រហស្បតិ៍នេះ បន្ទាប់ពីបរាជ័យក្នុងការពិភាក្សាលើចុះកុងត្រាថ្មីជាមួយក្លិបយក្សមានមូលដ្ឋានក្នុងរាជធានីរបស់ប្រទេសអេស្ប៉ាញ។
Ramos បានចំណាយពេល ១៦ ឆ្នាំចុងក្រោយនៅ Real ហើយភាគច្រើននៃអាជីពដ៏អស្ចារ្យរបស់គាត់ក្នុងនាមជាកីឡាករម្នាក់។ ក្នុងអំឡុងពេលប្រកបអាជីពនៅទីនោះគាត់ធ្លាប់ឈ្នះជើងឯក Champions League ៤ ដងនិង La Liga ៥ ដង។ ប៉ុន្តែគាត់ជាមួយ Real ពេលនេះបានចែកផ្លូវគ្នាហើយ។ Ramos នឹងចាកចេញមុនកិច្ចសន្យារបស់គាត់នឹងត្រូវផុតកំណត់នៅចុងខែនេះ។
តើ Real Madrid បាននិយាយអ្វីខ្លះ?
“ Real Madrid CF ប្រកាសថាថ្ងៃស្អែក ថ្ងៃព្រហស្បតិ៍ទី ១៧ ខែមិថុនាវេលាម៉ោង ១២និង ៣០ រសៀល នឹងមានពិធីលាគ្នាទៅកាន់ប្រធានក្រុម Sergio Ramos របស់យើង ដោយមានវត្តមានរបស់ប្រធានក្លិបរបស់យើងលោក Florentino Pérez"។
"បន្ទាប់ Sergio Ramos នឹងបង្ហាញខ្លួននៅចំពោះមុខអ្នកសារព័ត៌មាននៅឯសន្និសីទកាសែតតាមទូរទស្សន៍"។
តើការបាត់បង់ Ramos នឹងធ្វើឲ្យ Real Madrid ខាតបង់ប៉ុណ្ណា?
ក្នុងនាមជានិមិត្តរូបម្នាក់ ការចាកចេញរបស់គាត់ពិតជាមានទំហំធំធេងណាស់សម្រាប់ Real Madrid ។ Ramos បានក្លាយជាតួរអង្គសំខាន់ដែលជួយឲ្យ Real Madrid ជោគជ័យបំផុត និងជាខ្សែការពារដ៏រឹងមាំរបស់ក្លិបក្នុងរយៈពេលជិត២ទសវត្សចុងក្រោយ។
ជាការពិត! ទោះបីជាគាត់បានជួយក្លិបច្រើលើសលប់ Ramosបានតស៊ូប្រកួតប្រជែងជាមួយនិងរបួសញ៊ាំញីកាលពីឆ្នាំមុនដោយបង្ហាញខ្លួនបានតែ ១៥ ប្រកួតប៉ុណ្ណោះសម្រាប់ Real នៅ La Liga ។គាត់ក៏បានខកខានមិនបានចូលរួមក្នុងក្រុមជម្រើសជាតិអេស្ប៉ាញសម្រាប់យូរ៉ូឆ្នាំ ២០២០ ផងដែរ ដោយបានលើកឡើងថាគាត់បានធ្លាក់ចុះសមត្ថភាពមួយកម្រិត ខណៈដែលគាត់កាន់តែចាស់ទៅហើយ។ នៅអាយុ ៣៥ ឆ្នាំគាត់ប្រហែលជាមិនសមនឹងកិច្ចព្រមព្រៀង ២ ឆ្នាំដែលគាត់ចង់បាននោះទេ។
ពិតប្រាកដណាស់! Ramos អត្ថប្រយោជន៍ពីបញ្ហាវិន័យរបស់ Ramos មិនមានការរីកចម្រើនទៀតទេ។ គាត់មានកំណត់ត្រាទទួលបានកាតពិន័យចំនួន ១៩១ សន្លឹកនៅ La Liga ក្នុងនោះ ២០ សម្លឹកជាកាតក្រហម។ នោះក៏ជាកំណត់ត្រាច្រើនជាងគេសម្រាប់ក្របខ័ណ្ឌលីគកំពូលអេស្ប៉ាញផងដែរ។ គាត់ក៏ជាកីឡាករដែលជាប់ពិន័យកាត(Booking )ច្រើនជាងគេបំផុតក្នុងពានរង្វាន់នានារបស់ទ្វីអឺរ៉ុប។
ការជួយ Real Madrid គ្រប់យ៉ាងរបស់ Ramos ក្នុងរយៈពេល១៦ឆ្នាំគឺលើសពីអ្វីដែល Real Madrid បានចំណាយលុយទិញគាត់បំបែកកំណត់ត្រាខ្សែការពារថ្លៃជាងគេបំផុតនៅ La Liga ក្នុងតឆ្នាំ២០០៥ទៅទៀត។
កីឡាករវ័យ ៣៥ ឆ្នាំរូបនេះក៏មានកំណត់ត្រាស៊ុតបាល់បញ្ចូលទីគួរឱ្យចាប់អារម្មណ៍ផងដែរសម្រាប់ក្លឹប ទោះបីជាគាត់មានតួនាទីការពារកណ្តាលក៏ដោយដោយរកបាន ១០១ គ្រាប់ក្នុងការបង្ហាញខ្លួន ៦៧១ លើក៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
