Arsenal ប្រកាសបង្កកតម្លៃសំបុត្រឲ្យដូចរដូវកាលមុនត្បិតតែរដូវកាលថ្មីគ្មានពានអឺរ៉ុបលេង
ក្លឹបកាំភ្លើងធំ Arsenal បានប្រកាស“ បង្កកតម្លៃ” សម្រាប់សំបុត្ររដូវកាលក្រោយរបស់ពួកគេមុនបើករដូវកាលថ្មី ហើយអ្វីដែលកើតឡើងនេះវាមានន័យថាតម្លៃសំបុត្រមិនកើនឡើងសម្រាប់យុទ្ធនាការឆ្នាំ ២០២១/២២ ទេ។
ខណៈពេលដែលគ្មានការដំឡើងថ្លៃសំបុត្រនេះ គឺជាការស្វាគមន៍រដូវកាលថ្មី ដែលការពិតយើងដឹងហើយថាក្រុម Arsenal មិនមានពានរង្វាន់ទ្វីបអឺរ៉ុបលេងនោះទេមានន័យថាអ្នកគាំទ្ររបស់ក្រុមកាំភ្លើងធំនឹងទទួលបានការទស្សនាការប្រកួតតិចជាងរដូវកាលមុន សម្រាប់តម្លៃដូចគ្នាដូចរដូវកាលមុនៗ។
អ្នកគ្រប់គ្រងទិញលក់សំបុត្រប្រចាំររដូវកាលរបស់ Arsenal បានបញ្ជាក់ថារដូវកាលថ្មីអ្នកគាំទ្រដែលចង់ទិញសំបុត្រពេញមួយរដូវកាលអាចទស្សនាការប្រកួតក្នុងដីបាន ២១ ប្រកួតដោយ១៩ ក្នុងលីគនិង ២ ប្រកួតក្នុងពានខាប់នានា។ បើមានពានរង្វាន់ទ្វីបអឺរ៉ុបលេងពួកគេនឹងអាចទស្សនាបានដល់ទៅ២៩ប្រកួតឡើងទៅ។
កាសែត Daily Mailបានដកស្រង់សម្ដីអ្នកគាំទ្រម្នាក់ថា៖“ វាពិតជាអស្ចារ្យណាស់សម្រាប់ការប្រកួតចំនួន ២១លើកក្នុងដីដែលសមល្មមសម្រាប់ខ្ញុំហើយ” ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
