គ្រូបង្វឹកវៀតណាមលោក Park Hang-Soe ចាត់ទុកអារ៉ាប់រួមជាក្រុមខ្លាំងមួយ
គ្រូបង្វឹកក្រុមជម្រើសជាតិវៀតណាមលោក Park Hang-seo ចាត់ទុកក្រុមអារ៉ាប់រួមគឺជាក្រុមខ្លាំងមួយ។ លោកនិយាយបែបនេះមុនក្រុមទាំងពីរជួបគ្នានៅថ្ងៃពុធខាងមុខនេះ។
ជម្រើសជាតិវៀតណាម និងអេមីរ៉ាតអារ៉ាប់រួមនឹងប្រកួតប្រជែងដណ្តើមចំណាត់ថ្នាក់លេខ ១ ក្នុងពូល G ដើម្បីឆ្លងទៅវគ្គជម្រុះជុំទី ៣ និងទទួលកៅអីស្វ័យប្រវត្តិពានរង្វាន់អាស៊ីឆ្នាំ ២០២៣ ក្នុងនាមកំពូលតារាង។ យោងតាមលោក Park Hang-seo អារ៉ាប់រួមមានគុណប្រយោជន៍ពីចំណុចជាច្រើន ប៉ុន្តែក្រុមរបស់លោកនឹងផ្តល់ការប្រកួតប្រជែងដល់ក្រុមរបស់លោក Bert van Marwijk ។
“ ខ្ញុំបានឃើញពួកគេ (UAE) ប្រកួតជាមួយម៉ាឡេស៊ីនៅពេលថ្ងៃ។ ពួកគេជាក្រុមខ្លាំង និងជាគូប្រជែងរបស់ពួកយើង។ ទោះបីយើងកំពុងឈរកំពូលតារាងក៏ដោយក៏អារ៉ាប់រួមមានគុណប្រយោជន៍ខាងកាយសម្បទា និងជំនាញ។ ទោះយ៉ាងណាយើងនឹងរកវិធីវាយបកយកឈ្នះពួកគេ” ។
បច្ចុប្បន្នជម្រើសជាតិវៀតណាមកំពុងឈរកំពូលតារាងក្នុងពូល G ដែលមាន ១៧ ពិន្ទុលើសក្រុមអារ៉ាប់រួម ២ ពិន្ទុដែលឈរលេខ២ ។ថៃ និងម៉ាឡេស៊ីស្ថិតនៅលេខ ៣ និងលេខ ៤ រៀងគ្នាមាន ៩ ពិន្ទុ ខណៈប្រទេសឥណ្ឌូនេស៊ីនៅតែឈរនៅបាតតារាងមាន ១ ពិន្ទុ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
