បើមានស្នេហាហើយ មានតែការហត់នឿយចិត្ត កុំបន្តអី ព្រោះយើងមិនមែនរត់ហាត់ប្រាណទេ
កុំព្យាយាមរត់តាមនរណាម្នាក់ខ្លាំងពេក ព្រោះវាហត់នឿយចិត្តខ្លាំងណាស់ ស្នេហាជាការដែលយេីងផ្តល់ក្តីស្រឡាញ់ទៅឱ្យគេ ហេីយយេីងក៏ទទួលបានក្តីស្រឡាញ់ពីគេមកវិញដោយគ្មានហេតុផល ឬលក្ខខ័ណ្ឌអ្វីទាំងអស់ ព្រោះស្នេហាជាអ្វីម៉្យាងដែលចូលមកបំពេញក្តីសុខក្នុងជីវិតរបស់យេីង មិនមែនជាការរត់ហាត់ប្រាណដែលត្រូវតែចំណាយកម្លាំងដល់ហត់នោះទេ។
ប្រសិនបេីអ្នកមានស្នេហា ហេីយត្រូវមានអារម្មណ៍ថាហត់ដូចទៅនឹងការរត់ហាត់ប្រាណនោះ ខ្ញុំគិតថាកុំមានអីល្អជាង ស្នេហាត្រឹមតែជាចំណែកមួយនៃជីវិតមិនមែនជាជីវិតទាំងមូលទេ ដូច្នេះកុំគិតថាគ្មានស្នេហាយេីងរស់មិនបាន។
ប្រសិនបេីយេីងមានស្នេហា មានសង្សារដែលយល់ចិត្ត គេធ្វេីឱ្យយើងញញឹមបានច្រេីនជាងកាលដែលយេីងរស់នៅម្នាក់ឯង គេធ្វើឱ្យយើងមានអារម្មណ៍ថា ជីវិតយេីងមានន័យជាងមុន វាក៏សមគួរនឹងឱ្យយើងមានស្នេហា ព្រោះយេីងក៏មានក្តីសុខជាមួយស្នេហាមួយនេះពិតមែន រីករាយជាមួយក្តីស្រឡាញ់របស់យេីងពិតមែន។
ប៉ុន្តែបេីវាជាស្នេហាបែបត្រូវយំស្ទេីររាល់ថ្ងៃ អាចសួរខ្លួនឯងលមេីលថា កំពុងតែមានស្នេហា ឬកំពុងហាន់ខ្ទឹមបារាំង? បេីមានស្នេហាហេីយ តែត្រូវរត់តាមអារម្មណ៍គេ ដេញតាមផ្គាប់ចិត្តគេ ទាំងដែលគេមិនដែលសូម្បីតែខ្វាយខ្វល់ពីអារម្មណ៍របស់យេីងបន្តុិចផងនោះ គេមានតែធ្វេីឱ្យយើងមានអារម្មណ៍ថាហត់ចិត្ត ហត់នឹងទង្វេីរបស់គេ ហត់នឹងព្យាយាមថែតែម្នាក់ឯង តេីសួរថាសមតម្លៃនឹងឱ្យយើងបន្តរស់នៅជាមនុស្សដែលមានស្នេហាទៀតទេ?
បេីមានហេីយត្រូវឈឺបែបហ្នឹង ខ្ញុំគិតថាកុំមានអីល្អជាង គ្មានស្នេហាក្លែងក្លាយយេីងក៏រស់បាន រស់បានដោយមិនបាច់ហត់ចិត្តថែមទាំងផង ត្រូវចាំថាស្នេហាជាភាពស្រស់ស្អាតចូលមកបន្ថែមរសជាតិឱ្យជីវិតកាន់តែមានន័យ តែបេីមិនមែនបែបហ្នឹង បេីវាជាស្នេហាដែលចូលមកបំផ្លាញក្តីសុខក្នុងជីវិត យេីងគួរតែដេីរចេញពីវាទៅ កុំត្រាំត្រែងជាមួយស្នេហាមិនពិតប្រាកដ ឈប់ចំណាយពេលដេញតាមនរណាទៀត ខាតកម្លាំង ហេីយអស់តម្លៃទៀត មនុស្សបេីគេស្រឡាញ់យេីង យេីងនៅស្ងៀមៗក៏គេស្រឡាញ់ដែរ៕
អត្ថបទ ៖ អេដមីន ហត់/Knongsrok
ព័ត៌មានថ្មីៗ
