សាកល្បងតាមក្បួនហុងស៊ុយ ៣ វិធីនេះ ដើម្បីនាំលាភនាំសំណាងចូលដល់ក្រុមគ្រួសារ
តាមក្បួនហុងស៊ុយនិងចាស់ៗពីបុរាណក្នុងប្រទេសចិនដំណាលតគ្នា បានឲ្យដឹងថា ការអនុវត្តនូវសកម្មភាព ៣ យ៉ាងសាមញ្ញនេះ អាចនាំលាភនាំសំណាងចូលដល់ក្រុមគ្រួសារ នាំហេងចូលផ្ទះ និងមានទ្រព្យសម្បត្តិហូរហៀរ៖
៣) ពាក់នាឡិកាក្បាលរាងការេ
តាមក្បួនហុងស៊ុយការពាក់នាឡិកាគឺអាចជួយលើកកម្ពស់ឲ្យការងារដំណើរការទៅរលូន នោះក៏ដោយសារតែនាឡិកាតំណាងឲ្យ ការឲ្យតម្លៃនៅពេលវេលា បន្ថែមពីនេះវាក៏ជួយឲ្យយើងអាចដោះស្រាយបញ្ហាផ្សេងៗទាន់ពេលនិងឆាប់រហ័សផងដែរ។
ប៉ុន្តែការជ្រើសរើសប្រភេទនាឡិកាគឺជារឿងដ៏ចាំបាច់ ពោលគឺត្រូវជ្រើសរើសប្រភេទក្បាលរាងជ្រុងល្អជាងរាងមូល ព្រោះក្នុងក្បួនហុងស៊ុយ រាងជ្រុងតំណាងឲ្យធាតុដែលគាំទ្រផ្តល់សំណាងឲ្យអ្នកជាច្រើន។
២) មានដើមឈើក្នុងឬខាងមុខផ្ទះ
អ្នកអាចយកថូផ្កាដាំកូនឈើតូចៗពណ៌បៃតង ដែលវាតំណាងឲ្យការនាំសំណាងចូលដល់ក្រុមគ្រួសារ។ អ្នកអាចដាក់វានៅមាត់ទ្វារខាងមុខផ្ទះ ឬផ្លូវក្បែរទ្វារខាងក្នុងផ្ទះ ដើម្បីទាក់ទាញទ្រព្យសម្បត្តិនិងភាពរុងរឿង។
ជាងនេះអ្នកត្រូវជ្រើសរើសទិសថែមទៀត ដោយត្រូវដាក់វានៅទិសបូព៌ា ឬអាគ្នេយ៍ ដែលអាចជួយបង្កើនអាយុយឺនយូរដល់សមាជិកគ្រួសារ និងភាពរុងរឿងក្នុងអាជីវកម្ម។
១) ដាក់អាំងប៉ាវក្រហមក្នុងធុងអង្ករ
ជំនឿនេះត្រូវបានគេទទួលស្គាល់ពីមនុស្សជាច្រើន ដោយការដែលដាក់អាំងប៉ាវពណ៌ក្រហមក្នុងធុងអង្ករ គឺរមែងនាំលាភនាំជ័យដល់ម្ចាស់ផ្ទះ ហើយអ្នកត្រូវដាក់វានៅបាតធុង មុនចាក់អង្ករចូល។ អ្នកមិនត្រូវឲ្យអ្នកក្រៅឃើញអាំងប៉ាវនោះទេ ត្រូវលាក់វានៅបាតធុង ហើយកុំឲ្យអស់អង្ករពីធុងឲ្យសោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
