តាមក្បួនហុងស៊ុយ៖ សត្វចង្រៃ ៣ នាំឲ្យស្រុតលាភ ទៅដល់ទីណា នាំស៊យដល់ទីនោះ
ប្រសិនអ្នកឃើញសត្វចំនួន ៣ ដូចបង្ហាញខាងក្រោម មកក្បែរផ្ទះ ឬចូលក្នុងផ្ទះ អ្នកត្រូវតែដេញវាចេញ ព្រោះតាមក្បួនហុងស៊ុយ វាមិនល្អនោះទេសម្រាប់ជោគជតារាសីអ្នកនិងក្រុមគ្រួសារ៖
៣) សត្វទីទុយ
ពេលលឺសំឡេងសត្វទីទុយយំ មិនថាពេលថ្ងៃឬយប់ តាមក្បួនវាដូចជានាំនូវសេចក្តីស្លាប់មកដល់ ដែលអាចបណ្តាលឲ្យអ្នកនៅក្នុងផ្ទះមានជំងឺ។ ប្រសិននៅពេលយប់ ហើយអ្នកមានកូនស្រី ដាច់ខាតត្រូវហាមកូនស្រីមិនឲ្យចេញដើរ ឬធ្វើដំណើរទៅទីណាមួយ។
លើសពីនេះបើវាសាងសំបុក ត្រូវប្រញាប់រើចេញ ព្រោះវាជាប្រផ្នូលអាក្រក់ អាចនាំទុក្ខលំបាកចូលដល់សមាជិកគ្រួសារ។ បើរៀបនឹងវិនិយោគលើជំនួញធំ ក៏ត្រូវដកឃ្លាសិន ព្រោះអាចចាញ់បោក ឬបាត់បង់ទ្រព្យធំ។
២) សត្វក្អែក
នៅពេលលឺសត្វក្អែក ឬសម្រែករបស់សត្វក្អែក វាគឺជាសញ្ញានៃការប៉ះពាល់ផ្លូវអារម្មណ៍ក៏ដូចជាការអាចបាត់បង់លុយកាក់នាពេលខាងមុខ។ យោងតាមដំណាលពីចាស់បុរាណ គេណែនាំឲ្យប្រញាប់ដេញវាចេញពីតំបន់ជុំវិញក្បែរផ្ទះអ្នក។
១) កណ្តុរ
ជាទូទៅកណ្តុរវាចូលចិត្តពាំស៊ីអាហារស្អុយរលួយ ដូច្នេះប្រសិនក្នុងផ្ទះអ្នកនៅកន្លែងស្អាត ហើយសុខៗមានកណ្តុររត់ចូលនោះ អ្នកត្រូវប្រយ័ត្នបន្តិច បើពេលថ្ងៃជាចសញ្ញា ដែលធ្វើឲ្យម្ចាស់ផ្ទះបាត់បង់លុយកាក់ បើរត់ចូលពេលយប់ នោះជាប្រផ្នូលអាចនាំឲ្យម្ចាស់ផ្ទះខូចខាតទ្រព្យសម្បត្តិ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
