Man Utd ស្នើ Martial ទៅលេងនៅ Real ក្នុងលក្ខខ័ណ្ឌខ្ចីជើង!ពេលនេះភ្នាក់ងារកំពុងធ្វើការលើរឿងនេះ
Anthony Martial ត្រូវបានគេស្នើឱ្យទៅលេង Real Madrid ខណៈដែលភ្នាក់ងាររបស់គាត់ចង់ផ្ទេរគាត់ចេញពី Manchester United ។ បុរសជនជាតិបារាំងរូបនេះអាចនឹងត្រូវទុកចោលនៅពេលដែលលោក Ole Gunnar Solskjaer មានផែនការផ្លាស់ប្តូរកីឡាករទ្រង់ទ្រាយធំនៅរដូវកាលក្រោយ។
ករណីនេះកើតឡើងនៅពេលដែល Man Utd កំពុងធ្វើការយ៉ាងស្រស្រាក់ស្រស្រាំលើកិច្ចព្រមព្រៀងជាមួយ Jadon Sancho របស់ក្លឹប Borussia Dortmundខណៈដែលពេលនេះការពិភាក្សាជិតរួចរាល់ហើយនៅតែការបង់ថ្លៃតាមការចង់បានរបស់ក្លិបអាល្លឺម៉ង់តែប៉ុណ្ណោះ។ ច្បាស់ណាស់! ស្ថានភាពបែបនេះអាចធ្វើឲ្យ Martial បាត់បង់ឱកាសលេងច្រើនហើយណាមួយកាលពីរដូវកាលមុន រូបគេមានរដូវកាលដ៏លំបាកមួយនៅ Old Trafford រួចទៅហើយ។
មានកីឡាករជាច្រើនបានផ្សារភ្ជាប់ជាមួយនឹងការផ្លាស់ទៅលេងនៅ United រួមទាំងខ្សែប្រយុទ្ធម្នាក់ដែលអាចជា Harry Kane ឬ Erling Haaland ។ហើយយោងទៅតាម Transfer Window Podcast, Martial អាចត្រូវបានដាក់ចេញជាលទ្ធផលនៃការចាកចេញ។
ភ្នាក់ងាររបស់គាត់កំពុងស្វែងរកក្លិបដើម្បីផ្ទេរគាត់ចេញហើយ Real Madrid គឺជាទិសដៅដែលពេញចិត្ត។ កិច្ចព្រមព្រៀងនេះអាចត្រឹមខ្ចីជើងដែលមានរយៈពេលមួយរដូវកាលដំបូងដែលរួមបញ្ចូលទាំងជម្រើសដើម្បីទិញផ្ដាច់នៅរដូវកាលបន្ទាប់។
ខណៈលោក Carlo Ancelotti ទទួលបន្ទុកនៅ Bernabeu ជំនួសលោក Zinedine Zidane គេកំពុងគិតថាតើអទិភាពក្នុងទីផ្សារដោះដូរកីឡាករក្នុងរដូវកាលថ្មីនេះជាអ្វី។ ប៉ុន្តែកីឡាករ Real Madrid ជាច្រើននឹងវិលត្រឡប់ពីការខ្ចីជើងវិញដែលវាអាចជាករណីមួយ Real ត្រូវលក់ខ្លះដើម្បីទប់ទល់នឹងក្រុមដ៏ធំរបស់ពួកគេ។
ក្រុម Arsenal មានកីឡាករពីរគឺ Dani Ceballos និង Martin Odegaard នឹងវិលត្រឡប់ទៅកាន់រដ្ឋធានីអេស្បាញវិញ ជាមួយនឹងអនាគតរបស់ពួកគេមិនទាន់ច្បាស់ក៏ដូចជា Gareth Bale ដែលបានចំណាយពេលមួយឆ្នាំនៅឯក្លិប Tottenham ។
ចំណែក Martial វិញគាត់តែងតែចង់ផ្លាស់ទៅលេងនៅ Real Madrid រហូតមកហើយ ខណៈកីឡាកររូបនេះធ្លាប់ចង់ផ្ទេរទៅអេស្ប៉ាញតាំងតែកាលលេងនៅ Monaco មកម្ល៉េះ។
បុរសបារាំងគឺជាបុរសសំខាន់ម្នាក់ក្នុងរដូវកាល ២០១៩/២០ ក្រោមការដឹកនាំរបស់ Solskjaer ហើយមានសង្ឃឹមថាគាត់អាចបន្តទម្រង់លេងនិងបំពេញសក្តានុពលរបស់គាត់។ ក្នុងរដូវកាល២០២០/២១ រឿងនោះមិនដែលកើតឡើងជាផ្លែផ្កានោះទេ បន្ទាប់ពីគាត់ស៊ុតបញ្ចូលទីបានតែ ៤ ដងប៉ុណ្ណោះនៅក្នុងក្របខ័ណ្ឌ Premier League បើទោះបីលេងជាខ្សែប្រយុទ្ធកណ្ដាលក៏ដោយ។
ក្រុមបិសាចក្រហមនៅតែតាមប្រកៀកតារាឆ្នើម Sancho របស់ក្លិប Dortmund Sancho ខណៈដែល Solskjaer នឹងព្យាយាមប្រកួតប្រជែងពាន Premier League នារដូវកាលក្រោយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
