អាចជារដូវកាលមួយដ៏អាក្រក់បំផុតរបស់ Van Der Beek ពេលនេះរបួសខានជួយជម្រើសជាតិហូឡង់លេងពាន Euro 2020
ខ្សែការពារ Donny van de Beek របស់ក្រុមបិសាចក្រហម Manchester United ត្រូវបានបង្ខំចិត្តដកខ្លួនចេញពីក្រុមជម្រើសជាតិហូឡង់សម្រាប់ការប្រកួតជើងឯកអឺរ៉ុប ឬហៅថា Euro 2020 នេះឯង។
កីឡាករវ័យ ២៤ ឆ្នាំរូបនេះបានតស៊ូ ដើម្បីជំនះរបួសក្រលៀនជាយូរមកហើយ ហើយពេលនេះត្រូវទទួលស្គាល់ការបរាជ័យរបស់ខ្លួនក្នុងការមិនបានលេងតំណាងឲ្យជាតិរបស់ខ្លយនសម្រាប់ប្រឹត្តិការណ៍ដ៏ធំក្នុងទ្វីបអឺរ៉ុបមួយនេះ។ ព័ត៌មានអំពីរបួសរបស់គាត់នេះ ត្រូវបានចុះផ្សាយនៅក្នុងសេចក្តីថ្លែងការណ៍មួយរបស់ក្រុមជម្រើសជាតិហូឡង់ហើយគ្រូបង្វឹកលោក Frank de Boer នឹងសម្រេចមិនដាក់កីឡាករជំនួសនោះទេ។
Van de Beek បានស្ថិតក្នុងកៅអីបម្រុងសម្រាប់ការប្រកួតមិត្តភាពស្មើ ២-២ ជាមួយស្កុតឡេន ប៉ុន្តែមិនបានចូលមកហ្វឹកហាត់ជាមួយមិត្តរួមក្រុមនោះទេ។ ហូល្លង់នឹងលេងការប្រកួតក្នុងពូល C ទាំង ៣ របស់ពួកគេនៅទីក្រុងអាំស្ទែដាំ ដោយត្រូវប្រឈមមុខជាមួយអ៊ុយក្រែន អូទ្រីស និងម៉ាសេដូនខាងជើង។
ការដកខ្លួនរបស់ Donny មានន័យថាឥឡូវនេះនៅសល់កីឡាករ ១១ នាក់របស់ United ដែលលេងតំណាងឱ្យប្រទេសរបស់ពួកគេ នៅក្នុងវគ្គផ្តាច់ព្រ័ត្រដែលនឹងចាប់ផ្តើមនៅថ្ងៃសុក្រនៅពេលដែលជម្រើសជាតិទួរគីទទួលក្រុមភ្ញៀវអ៊ីតាលី៕
🔶 Donny van de Beek misses EURO 2020
Van de Beek has to let the European Championship pass by. The midfielder is struggling with an injury. As a result, he is not available in time for EURO 2020. Frank de Boer will not call a replacement for Van de Beek.
Get well soon, Donny! 🙏
— OnsOranje (@OnsOranje) June 8, 2021
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
