ជ្រើសរើសរមូលសំបុត្រមួយ ដើម្បីដឹងថាមានអ្វីកំពុងរង់ចាំអ្នកនៅពេលខាងមុខ?
តើអ្នកកំពុងប្រាថ្នាចង់ជួបរឿងអ្វីនៅពេលខាងមុខ? ទិដ្ឋភាពពិតនៃជីវិតយើងមិនអាចមើលឃើញមុននោះទេ ប៉ុន្តែតម្រុយខ្លះវាហាក់ដូចជាបានផ្តល់ឲ្យយើងត្រៀមខ្លួនទុកមុន មិនថារឿងនោះជារឿងល្អឬរឿងមិនល្អបែបណាក្តី។
តាមរយៈការធ្វើតេស្តបែបវិទ្យាសាស្ត្រមួយនេះ ចូរអ្នកជ្រើសរើស ១ ក្នុងចំណោមរមូលសំបុត្រទាំង ៤ ដើម្បីដឹងថា តើនៅពេលខាងមុខមានរឿងអ្វីកំពុងរង់ចាំអ្នក?
រមូលសំបុត្រទី ១
អ្នកនឹងទទួលបានជោគជ័យក្នុងទំនាក់ទំនងស្នេហា ដោយអាចជាទទួលបានអារម្មណ៍ផ្អែមល្ហែមជាមួយដៃគូកាន់តែខ្លាំងជាងមុន ឬអ្នកដែលនៅលាវ នឹងទទួលបានដៃគូស្នេហាថ្មី ធ្វើឲ្យភ្ញាក់ផ្អើលក្នុងជីវិតរបស់អ្នក។
ដូច្នេះឈប់បារម្ភទៅ ប្រសិនអ្នកកំពុងនៅម្នាក់ឯង អ្នកមិនឯកោទៀតនោះទេ គូរបស់អ្នកជិតចូលមកដល់ហើយ ពេលវេលារីករាយបែបស្នេហាក៏នឹងកើតឡើងឆាប់ៗដែរ។
រមូលសំបុត្រទី ២
សំណាងហាក់កំពុងរង់ចាំអ្នកនៅផ្លែបំបែកខាងមុខ ភាពជោគជ័យលើផ្នែកហិរញ្ញវត្ថុនឹងកើតមានឡើងសម្រាប់ជីវិតអ្នកនៅពេលដ៏ខ្លី។ ក្នុងរយៈពេលប៉ុន្មានខែបន្ទាប់នេះ លុយនឹងហូលចូលដូចទឹកមកកាន់អ្នក ដោយខ្លះអាចជាប្រាក់រង្វាន់ ដែលបានដោយការខិតខំប្រឹងប្រែង និងខ្លះជាលាភសំណាង តាមរយៈការផ្សងសំណាងជាមួយកម្មវិធីណាមួយ។
រមូលសំបុត្រទី ៣
អ្នកហត់ខ្លាំងពេកហើយ អ្នកដល់ពេលវេលាដែលគួរសម្រាកបន្តិចហើយ។ នៅពេលខាងមុខនេះ វាជាពេលល្អបំផុតសម្រាប់អ្នកក្នុងការធ្វើដំណើរកម្សាន្តជុំគ្រួសារ ឬជាមួយមិត្តភ័ក្ដិ សឹមប្រលូកមកក្នុងការប្រកួតប្រជែងជីវិតជាបន្តទៅទៀត។
រមូលសំបុត្រទី ៤
កងបង្វិលនៃសំណាងបានត្រលប់មករកអ្នកវិញហើយ ជីវិតរបស់អ្នកដែលជួបបញ្ហានានា នឹងត្រូវបានដោះស្រាយ ហើយលើសពីដំណោះស្រាយ អ្នកក៏នឹងឃើញពន្លឺថ្មីនៃជីវិត ដែលអាចនាំឱកាសល្អមកកាន់អ្នកទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
