ក្នុងបាល់ទាត់អ្វីក៏អាចទៅរួច! ម៉ុងហ្គោលីឈរចំណាត់ថ្នាក់១៩២ក្នុFIFA Ranking ឈ្នះជម្រើសជាតិកៀហ្ស៊ីស៊ីស្ថានឈរលេខ៩៩ពិភពលោក
ក្រុមជម្រើសជាតិម៉ុងហ្គោលីបានយកឈ្នះក្រុមជម្រើសជាតិកៀហ្ស៊ីស៊ីស្ថានក្នុងលទ្ធផល១ទល់០នាការប្រកួតវគ្គជម្រុះ 2022 FIFA World Cup & 2023 AFC Asian Cup 2023 ពូល F ក្នុងកីឡដ្ឋាន Yanmar Stadium Nagai ក្នុងទីក្រុង Osaka ប្រទេសជប៉ុន។
មួយគ្រាប់នេះរកបានដោយខ្សែប្រយុទ្ធលេខ៩កីឡាករ Oyunbaatar Mijiddorj នោនាទី៣៤ក្នុងវគ្គទីមួយ។ នេះជាលទ្ធផលសឹងតែមិនគួរឲ្យជឿសម្រាប់ក្រុមនោអាស៊ីខាងកើតមួយនេះដែលឈរចំណាត់ថ្នាក់១៩២ ពិភពលោកក្នុងតារា FIFA Ranking ។ កៀហ្ស៊ីស៊ីស្ថានគឺជាជម្រើសជាតិមួយនៅអាស៊ីកណ្ដាលជាជម្រើសជាតិមួយខ្លាំងគ្រាន់បើដែរ ដោយឈរចំណាត់ថ្នាក់៩៩ពិភពលោក តែយ៉ាងណា! ពេលនេះពួកគេភ្លាត់ស្នៀតរងបរាជ័យហើយ។
បែបនេះក្ដី! ក្នុងពូល F នេះដែរ ម៉ុងហ្គោលីឈរបាត់តារាងមាន៦ពិន្ទុ ឆ្លងកាត់៨ប្រកួតឈ្នះ២និងចាញ់៦ របូតគ្រាប់បាល់២៧គ្រាប់និងស៊ុតចូលគេវិញ៣គ្រាប់ អស់ឱកាសឡើងទៅវគ្គបន្តហើយ ប៉ុន្តែនៅសល់កៅអីវគ្គជម្រុះ Play-off ពានរង្វាន់ AFC Asian Cup 2023មួយដែរ។ ចំណែក កៀហ្ស៊ីស៊ីស្ថាន ឈរលេខ៣ក្នុងពូល ឆ្លងកាត់៦ប្រកួតឈ្នះ២ស្មើមួយនិងចាញ់៣ប្រកួត របូតគ្រាប់បាល់៦គ្រាប់តែស៊ុតចូលគេ១០គ្រាប់។
ក្រុមឈរកំពូលតារាងគឺជប៉ុន ឆ្លងកាត់៦ប្រកួតឈ្នះទាំង៦ស៊ុតបញ្ជូលទីគេ៣៨គ្រាប់មិនរបូតគ្រាប់បាល់សោះដែលនេះជប៉ុនបានឡើងទៅវគ្គជម្រុះ World Cup ជុំទី៣នៅអាស៊ីហើយទទួលបានកៅអីស្វ័យប្រវត្តិទៅ AFC Asian Cup 2023៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
