ជ្រើសរើសរូបភាពមួយ ដើម្បីបង្ហាញថាអ្នកកំពុងកើតទុក្ខរឿងអ្វីនៅក្នុងខែមិថុនានេះ?
ឆ្លងកាត់ខែមិថុនារយៈពេលជិត ១ សប្តាហ៍ហើយ តើអ្នកបានជួបរឿងមិនសប្បាយចិត្តអ្វីខ្លះ? ពេលខ្លះអ្នកព្យាយាមលាក់បាំងអារម្មណ៍ មិនចង់ចែករំលែកវាទៅនរណាឡើយ ប៉ុន្តែតាមរយៈអត្ថបទនេះ សូមអ្នកជ្រើសរើសរូបភាពមួយ ហើយយើងនឹងចូលរួមចំណែកដឹងលឺពីបញ្ហារបស់អ្នក៖
រូបភាពទី ១ បញ្ហាស្នេហា
សម្រាប់អ្នកដែលមានស្នេហា ត្រឹមជាសង្សារ អ្នកហាក់កំពុងតែលាក់បាំង មិនទាន់ប្រកាសជាផ្លូវការ ដែលហាក់នាំឲ្យអ្នកមានអារម្មណ៍ថារងសម្ពាធ ហើយពេលខ្លះវាក្លាយជាបញ្ហារកាំរកូសនឹងគ្នាទៅវិញ។
បើក្នុងទំនាក់ទំនងជាប្តីប្រពន្ធទៅហើយនោះ អ្នកហាក់មានការទាស់ចិត្តនឹងពេលវេលាសម្រាប់ខ្លួនឯង ដែលមិនសូវមានពេលគ្រប់គ្រាន់សម្រាប់គ្រួសារ។ តាមពិតទៅអ្នកចង់ខ្លាំងណាស់ តែអ្នកមិនទាន់អាចបែងចែកពេលវេលាសម្រាប់គ្រួសារច្រើននោះឡើយនៅពេលនេះ។
បញ្ហាទី ២ ភាពសោកសៅ
ភាពសោកសៅនរណាក៏កើតមានដែរ តែគ្រាន់តែបញ្ហាខុសៗគ្នា។ សម្រាប់អ្នកផ្ទាល់កុំតក់ក្រហល់នឹងការរកដំណោះស្រាយខ្លាំងពេក បញ្ហាខ្លះវាត្រូវការពេលវេលា មិនសុទ្ធតែអាចដោះស្រាយភ្លាមៗបានទាំងអស់នោះទេ។
មួយផ្សេងទៀតអ្នកមិនអាចប្រាថ្នាគ្រប់យ៉ាងឲ្យស្ថិតនៅចំណុចកំពូល ឬល្អឥតខ្ចោះទាំងអស់បានឡើយ រឿងខ្លះអ្នកគួរតែសម្របតាម ព្រោះវាជាច្បាប់របស់ធម្មជាតិ ដែលគ្មាននរណាកែប្រែបាន។
រូបភាពទី ៣ ការសម្រេចចិត្តដ៏លំបាក
ពេលវេលានៃជីវិតមនុស្សយើងម្នាក់ៗសុទ្ធតែជួបគ្នា នោះគឺការ "សម្រេចចិត្ត"។ ពិតណាស់ការសម្រេចចិត្តពេលខ្លះពិបាកធ្វើទៅបានណាស់ មិនដឹងថាគួរដើរតាមបេះដូង ឬដើរតាមខួរក្បាល ព្រោះការសម្រេចចិត្តនីមួយៗសុទ្ធតែជះឥទ្ធិពលដល់ជោគវាសនារបស់យើង។
រូបភាពទី ៤ បញ្ហាលុយកាក់
ហិរញ្ញវត្ថុជាអ្វីដែលអ្នកកំពុងប្រឈមនៅពេលនេះ ដោយការចំណាយពេលនេះធំជាងចំណូលដែលទទួលបាន ហើយបញ្ហាក៏ពិបាកនឹងដោះស្រាយបានភ្លាមៗដែរ។
យ៉ាងណាយើងលើកទឹកចិត្តអ្នក ឲ្យបន្តភាពរឹងប៉ឹងនិងគោលជំហរច្បាស់លាស់ មិនយូរទេ បន្តិចទៀតនេះ អ្នកនឹងជួបរឿងល្អ ដោយមានគេទាក់ទងរឿងការងារ រឿងជំនួញ អាចឲ្យអ្នកទទួលបានផលចំណេញពីពួកគេឆាប់ៗ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
