រកឃើញកីឡាករល្អបំផុតក្នុង Premier League រដូវកាល ២០២០/២០២១ហើយ
ខ្សែការពារ Ruben Dias របស់ក្រុម Manchester City បានឈ្នះពានរង្វាន់កីឡាករឆ្នើមប្រចាំឆ្នាំរបស់ Premier League នៅក្នុងរដូវកាលដំបូងរបស់គាត់។
Dias បានផ្តួលគូប្រជែងឆ្នើម ៗមួយចំនួនដូចជាមិត្តរួមក្រុម Manchester City គឺ Kevin De Bruyne, Ilkay Gundogan និង Phil Foden ។ Kane និង Bruno Fernandes ក៏បានជាប់ឈ្មោះក្នុងបញ្ជីសម្រាំងចុងក្រោយដែរ ប៉ុន្តែមិនបានទទួលជ័យលាភីនោះទេ។
Mo Salah គ្មានឈ្មោះក្នុងបញ្ជីបេក្ខភាពកីឡាករឆ្នើមប្រចាំឆ្នាំរបស់ Premier League រដូវកាលនោះទេ ទោះបីជាគាត់ជាកីឡាកររកបានគ្រាប់បាល់ច្រើនជេះាងគេលំដាប់ពី២ (២២គ្រាប់)តាមពីក្រោយម្ចាស់ស្បែកជើងមាស Harry Kane ក៏ដោយ។
ទោះយ៉ាងណា Salah ត្រូវបានគេដាក់ឈ្មោះនៅក្នុងក្រុមល្អបំផុតនៃរដូវកាលមុនដែលទើបតែបានប្រកាសកាលពីយប់មិញ។ Bruno Fernandes ដែលជាគូប្រជែងដ៏រឹងមាំសម្រាប់រង្វាន់នេះតែមិនជាប់ ទោះបីគាត់ជាអ្នករកគ្រាប់បាល់ដ៏ច្នៃប្រឌិតបំផុតម្នាក់សម្រាប់ក្រុម Manchester United កាលពីរដូវកាលមុនក៏ដោយ។
គាត់បានស៊ុតបាល់បញ្ចូលទី ១៨ គ្រាប់និងបញ្ជូនបាល់ ១២ លើក ក្នុងនាមជាខ្សែបម្រើតែម្នាក់គត់ក្នុងចំណោមអ្នករកបានគ្រាប់បាល់ច្រើនជាងគេបំផុត។។ នៅក្នុងស្ថិតិនេះ Fernandes ក៏បានបំបែកកំណត់ត្រារបស់ Frank Lampard ផងដែរ។
ទោះយ៉ាងណា Bruno ត្រូវបានគេដាក់ឈ្មោះថាជាកីឡាករឆ្នើមប្រចាំឆ្នាំរបស់ក្រុមបិសាចក្រហមដែលជាពានរង្វាន់ដែលសមនឹងទទួលបានបន្ទាប់ពីយុទ្ធនាការដ៏អស្ចារ្យមួយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
