២មុខនេះ « ឱសថទិព្វ ប្រសិទ្ធិភាពខ្ពស់ តម្លៃថោក » របស់មេទ័ពដ៏ពូកែក្នុងជំនាន់លន់ណុល
« ឱសថទិព្វ ប្រសិទ្ធិភាពខ្ពស់ តម្លៃថោក »
ខ្ញុំសូមចូលរួមចំណែក ផ្តល់ចំណេះដឹងក្នុងការព្យាបាលភ្លាមៗ នៅពេលមានរលាកភ្លើង រលាកទឹកក្តៅ រលាកបំពង់សុីមុំាង និងរលាកអ្វីផ្សេងៗទៀតដោយសារកំដៅខ្លាំង ដែលខ្ញុំបានចេះដឹងពីលោកគ្រូសេម ជាមេទ័ពដ៏ពូកែក្នុងជំនាន់លន់ណុល នៅស្រុកគីរីវង់ ខេត្តតាកែវ តាំងតែពីឆ្នាំ1980 មកម៉្លេះ ដើម្បីចែករំលែកទៅដល់មនុស្សទូទៅ ទូទាំងពិភពលោក ជាពិសេសមនុស្សជាទីស្រឡាញ់របស់ខ្ញុំ ដើម្បីទុកជាប្រយោជន៍ ក្នុងការព្យាបាលដោយខ្លួនឯង ។
« ទឹកឃ្មុំនិងស្ករត្នោត គឺជាឱសថទិព្វ សំរាប់ព្យាបាលភ្លាមៗ នៅពេលមានរលាកភ្លើង រលាកទឹកក្តៅ រលាកបំពង់សុីមុំាង និងរលាកអ្វីផ្សេងៗទៀតដោយសារកំដៅខ្លាំង ហើយពិតជាមានប្រសឹទ្ធិភាពអស្ចារ្យ ក្នុងរយៈពេលតែ ២៤ ម៉ោងប៉ុណ្ណោះ ។
១_ រយៈពេលរលាក ៖
ទើបតែរលាកភ្លាមៗ មិនទាន់កើតមានពងទឹករងៃ ។
២_ របៀបប្រើ ៖
យកទឹកឃ្មុំឬស្ករត្នោត ទៅបំប៉ោកលាបឲច្រើន នៅត្រង់កន្លែងរលាក រួចយកក្រណាត់ស្អាត ឬ Compress Sterile រុំព័ទ្ធ ហើយរក្សាទុករយៈពេល ២៤ ម៉ោង ។
៣_ លទ្ធផលដ៏អស្ចារ្យនឹងកើតមានឡើង ៖
ក្រោយពីរុំបានរយៈពេល ២៤ម៉ោងរួចមក ទើបយើងស្រាយក្រណាត់នោះចេញ រួចលាងសំអាតទឹកឃ្មុំ ឬស្ករត្នោតនោះចេញ ទើបយើងឃើញលទ្ធផលគួរជាទីគាប់ចិត្ត គឺ កន្លែងរលាកនោះ គ្មានឡើងពងទឹករងៃ គ្មានស្លោក គ្មានរលាករលួយ ស្បែកនៅមានសភាពធម្មតាដូចដើម ។
៤_ បទពិសោធន៍ផ្ទាល់ខ្លួន ៖
ខ្ញុំធ្លាប់បានព្យាបាលខ្លួនឯងចំនួន៣ដងរួចមកហើយ នៅពេលរលាកទឹកបាយកំពុងតែពុះ រលាកឆ្នាំងអ៊ុត និងរលាកបំពង់សុីមុំាង។
សូមអស់លោក លោកស្រី ទទួលយកវិធីសាស្ត្រនេះ ទៅអនុវត្តផ្ទាល់ខ្លួន ប្រកបដោយជោគជ័យ !
អត្ថបទនេះ រៀបរាប់ ដោយ វេជ្ជបណ្ឌិត ហ៊យ ភិរម្យ (មិត្តភ័ក្ដិ ខ្ញុំ មិត្តរួមថ្នាក់ ជំនាន់ ឆ្នាំ ១៩៨៤ដល់ ឆ្នាំ១៩៨៧ តាកែវ ក្រុង)
ប្រភព៖ វេជ្ជបណ្ឌិតកោះស៉ីណា
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
