មិនចេះតែកៀបក្រឡុកហូបបានទាំងអស់ទេ បន្លែផ្លែឈើ ៤ ប្រភេទនេះអាចនឹងប៉ះពាល់សុខភាពទៅវិញ
ជាទូទៅមនុស្សភាគច្រើនគិតថា ឲ្យតែប្រភេទបន្លែបៃតង ឬផ្លែឈើសុទ្ធតែអាចយកមកកៀក ឬក្រឡុកឲ្យចេញជាទឹក សម្រាប់ទទួលទានបាន ហើយវាអាចផ្តល់នូវប្រយោជន៍ផ្សេងៗគ្នាសម្រាប់សុខភាព។
យ៉ាងណាវាមិនសុទ្ធតែល្អទាំងអស់នោះទេ ដោយសម្រាប់ប្រភេទបន្លែផ្លែឈើ ៤ ប្រភេទដូចបង្ហាញខាងក្រោម បើអ្នកយកទៅកៀបឲ្យចេញជាទឹកមកទទួលទាន គឺអាចនឹងបង្កផលប៉ះពាល់សម្រាប់សុខភាពទៅវិញ៖
៤) ផ្កាខាត់ណាខៀវ
ផ្កាខាត់ណាខៀវមានកាឡូរីទាប ហើយមានផ្ទុកនូវសារធាតុចិញ្ចឹមសំខាន់ៗជាច្រើនដូចជាច ជាតិសរសៃ Fiber, វីតាមីន C, K1 និងប៉ូតាស្យូម។ ប៉ុន្តែប្រសិនអ្នកកៀបវាយកទឹកមកទទួលទាន នោះសារធាតុចិញ្ចឹមទាំងអស់នឹងត្រូវបាត់បង់ ហើយនៅពេលវាក្លាយទៅជាទឹក គឺក្រពះយើងពិបាកនឹងកិនរំលាយខ្លាំងណាស់ ដែលអាចបណ្តាលឲ្យមានបញ្ហាដល់ប្រព័ន្ធរំលាយអាហារ ក៏ដូចជាកើតរោគហើមពោះ និងក្អួតចង្អោរជាដើម។
៣) ម្នាស់
ម្នាក់មានផ្ទុកនូវវីតាមីននិងសារធាតុរ៉ែជាច្រើន ដែលចាំបាច់សម្រាប់រាងកាយមនុស្ស។ ទោះជាយ៉ាងវាមិនជារឿងល្អនោះទេ ក្នុងការដែលយកម្នាស់ទៅកៀបចេញជាទឹក ព្រោះវានឹងធ្វើឲ្យបាត់បង់នូវសារធាតុចិញ្ចឹមទាំងអស់នោះ ហើយបន្សល់មកវិញតែជាតិស្ករមិនល្អដល់រាងកាយតែប៉ុណ្ណោះ។ ដូច្នេះវាអាចបង្កើនកម្រិតជាតិស្ករក្នុងឈាន និងកម្រិតអាំងស៊ុយលីនកើនឡើង រហូតអាចឈានទៅការកើតជំងឺទឹកនោមផ្អែម។
២) ព័រ
អ្នកមិនគួរកៀបយកទឹកចេញពីផ្លែព័រមកទទួលទាននោះឡើយ ព្រោះដោយសារសារជាតិ Sorbitol ដែលមាននៅក្នុងនោះ អាចបណ្តាលឲ្យពោះវៀនធ្វើការខ្លាំង រហូតដល់យើងរាគ។
១) ផ្លែប៉ោមទាំងគ្រាប់
ប៉ោមសំបូរទៅដោយជាតិសរសៃ Fiber និងសារធាតុចិញ្ចឹមល្អៗមួយចំនួន ហើយវាក៏មានឥទ្ធិពលប្រឆាំងនឹងជំងឺរលកផ្សេងៗផងដែរ។
យ៉ាងណាក៏ដោយអ្នកមិនត្រូវក្រឡុកផ្លែប៉ោមទាំងជាប់គ្រាប់នៅក្នុងនោះឡើយ ព្រោះគ្រាប់ផ្លែប៉ោមមានផ្ទុកអាមីហ្គីលលីន ដែលអាចមានជាតិពុល ធ្វើឲ្យប៉ះពាល់ដល់ប្រព័ន្ធរំលាយអាហារ។ បែបនេះត្រូវប្រាកដថាអ្នកគាស់គ្រាប់ចេញសិន មុននឹងកៀបវាឲ្យចេញជាទឹក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
