ពីមុនចង់បាន Mata, Matic ពេលនេះ Van de Beek ក៏ស្ថិតក្នុងរ៉ាដារបស់លោក Mourinho នៅ Roma ដែរ
យោងតាមរបាយការណ៍ពីប្រទេសអ៊ីតាលី Calcio Mercato បានឱ្យដឹងថាលោក Jose Mourinho ចង់ផ្ទេរយកខ្សែបម្រើ Donny van de Beek របស់ក្រុម Manchester United នៅរដូវក្តៅនេះ។
ក្នុងរយៈពេលមិនដល់មួយខែផងបន្ទាប់ពីត្រូវបានបណ្តេញចេញដោយក្រុម Tottenham Hotspur អតីតគ្រូបង្វឹកក្រុម Man United រូបនេះត្រូវបានតែងតាំងជាគ្រូបង្វឹករបស់ក្លិប AS Roma ។ ក្រុមមួយនេះ ត្រូវបានក្រុមបិសាចក្រហម Manchester United របស់លោក Ole Gunnar Solskjaer ផ្ទួលក្នុងវគ្គពាក់កណ្តាលផ្តាច់ព្រ័ត្រពាន Europa Leagueកាលពីម្សិលមិញ។
Van de Beek ដែលបានផ្លាស់ទៅ Old Trafford ក្រោយចាកចេញពី Ajax ក្នុងតម្លៃ ៤០ លានផោននៅដើមរដូវកាល ប៉ុន្តែរូបគេក្លាយជាកីឡាករបម្រុងសឹងតែពេញមួយរដូវកាលដំបូងរបស់ខ្លួនហើយគិតមកដល់ពេលនេះរូបគេលេងបានតែ១៣ប្រកួតប៉ុណ្ណោះចាប់តាំងលីគលេងខែសីហាឆ្នាំ២០២០។
យោងតាមការចេញផ្សាយរបស់កាសែតអ៊ីតាលី Calcio Mercato បានឱ្យដឹងថា ក្រុមនៅក្របខណ្ឌ Serie A បានសាកសួរអំពីភាពទិញបានរបស់ Van de Beek ក្នុងរយៈពេលប៉ុន្មានខែថ្មីៗនេះ ហើយលោក Mourinho ត្រូវបានគេនិយាយថាគាំទ្រដល់ការផ្លាស់ប្តូរយកកីឡាករសញ្ជាតិហូឡង់រូបនេះនៅក្នុងទីផ្សារដោះដូរកីឡាករនាពេលខាងមុខនេះ។
របាយការណ៍ដដែលបានអះអាងថាក្រុម Roma នឹងត្រូវការចាយលុយរហូតដល់ ២៦ លានផោនដើម្បីនាំយក Van de Beek ទៅកាន់ Serie A នៅរដូវកាលក្រោយ ។យ៉ាងណាក្ដី! Man Utd មិនទំនងនឹងឲ្យកីឡាករម្នាក់នេះចេញនោះទេពីព្រោះពួកគេទើបទទួលបានហើយប្រើប្រាស់មិនទាន់អស់ថ្លៃ ដោយលេងទើបបានមួយរដូវកាល ហើយណាមួយការប្រកួតប្រជែងពាន Premier League វាពិបាកជាងនៅអ៊ីតាលី។
Van de Beek ទើបតែមានអាយុ ២៤ ឆ្នាំហើយ វាគ្មានអ្វីគួរភ្ញាក់ផ្អើលទេ ដែលគាត់ទើបតែបានផ្ទេរចេញពី Ajax ហើយមកសម្របខ្លួនជាមួយ Man Utd ដែលជាកន្លែងមួយ ដែលគាត់បានស្រមៃចង់មកមុនឆ្នាំ ២០២០ ពិសេសជាកីឡាកររបស់ Old Trafford ។ United ចង់ឲ្យកីឡាកររូបនេះសម្របខ្លួនបន្តិចទៀតជាមួយក្លិបពីព្រោះពួកគេបានចំណាយច្រើនណាស់៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
