ផ្លូវការ៖ Man Utd និងក្លិប៨ទៀតដែលចូលដៃចូលជើងបង្កើតពាន Super League ជាប់ពិន័យរបស់ UEFA
ក្លិបទាំង៩ដែលចូលដៃចូលជើងបង្កើតពានរង្វាន់ Super League កាលពីប៉ុន្មានសប្ដាហ៍មុនហើយបានដកខ្លួនទាន់ពេលវេលាមករួមរស់នៅជាមួយ UEFA វិញនោះ នៅតែមិនអាចគេចផុតពីការដាក់ពិន័យរបស់សហព័ន្ធកីឡាបាល់ទាត់ទ្វីបអឺរ៉ុបដដែល តែយ៉ាងណាពួកគេនៅតែមានសិទ្ធចូលរួមប្រកួតប្រជែងពានរង្វាន់ទ្វីបអឺរ៉ុប។
ការជាប់ពិន័យនេះគឺមានន័យថា ក្រុម Manchester United, Chelsea, Tottenham, Arsenal, Manchester City, Liverpool, AC Milan, Inter Milan និង Atletico Madrid នឹងធ្វើការបរិច្ចាគប្រាក់រួមគ្នាសរុបចំនួន ១៥ លានផោនដើម្បីសប្បុរសធម៌។ ពួកគេក៏នឹងបាត់បង់ប្រាក់ចំណូល ៥ ភាគរយនៃប្រាក់ចំណូលពីការប្រកួតប្រជែងរបស់ UEFA នារដូវកាលក្រោយផងដែរ។
សេចក្តីថ្លែងការណ៍ជាផ្លូវការមួយពីអង្គភាពគ្រប់គ្រងបាល់ទាត់អឺរ៉ុបបានសរសេរថា៖ «ក្លិបទាំង ៩ នោះទទួលស្គាល់ និងទទួលយកថាគម្រោង Super League គឺជាកំហុសមួយហើយសូមអភ័យទោសដល់អ្នកគាំទ្រ សមាគមជាតិ លីគជាតិ ក្លិបអ៊ឺរ៉ុប និងស្ថាប័ន UEFA»។
Source: UEFA Official
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
