លោក Unai Emery ថា៖”ជួប Man Utd ជារឿងដ៏ពិបាកតែពេលនេះសុំសប្បាយចិត្តសិនព្រោះយើងឡើងវគ្គផ្ដាច់ព្រ័ត្រ”
អ្នកចាត់ការក្រុម Villarreal លោក Unai Emery បានសារភាពជាចំហថាវានឹងពិបាកសម្រាប់ក្រុមរបស់គាត់ ក្នុងការប្រឈមមុខជាមួយក្រុម Manchester United ក្នុងការប្រកួត Europa League 2020/21 វគ្គផ្តាច់ព្រ័ត្រនៅចុងខែនេះ។
ក្រុមគូប្រជែងក្នុង La Liga មួយនេះនឹងរីករាយនឹងការលេងជាលើកដំបូងរបស់ពួកគេនៅក្នុងវគ្គផ្ដាច់ព្រ័ត្រពានរង្វាន់ UEFA Europa League បន្ទាប់ពីបានយកឈ្នះក្រុមចាស់របស់លោក Emery គឺក្រុម Arsenal ជាមួយនឹងជ័យជម្នះសរុប ២-១ ។
វាពិតជារាត្រីដ៏មានអត្ថន័យសម្រាប់លោក Emery ដែលគាត់ត្រូវបានគេបណ្តេញចេញពីតំណែងជាអ្នកចាត់ការក្រុម Arsenal នៅថ្ងៃទី ២៩ ខែវិច្ឆិកាឆ្នាំ ២០១៩ លោកបានបង្ហាញថាលោកល្អជាង Arsenal ។
ទន្ទឹមនឹងនេះដែរក្រុម Manchester United បានឈានដល់វគ្គផ្តាច់ព្រ័ត្រ បន្ទាប់ពីទទួលបានជ័យជម្នះ ៨-៥ នៅពេលដែលពួកគេបានកត់ត្រាជ័យជម្នះ ៦-២ នៅលើទឹកដី Old Trafford និងបានចាញ់ ២-៣ កាលពីព្រឹកមិញនៅទីក្រុងរ៉ូម។
ទាក់ទងនឹងបញ្ហានេះលោក Emery មើលឃើញពីការងារដ៏លំបាកមួយ ដែលកីឡាកររបស់គាត់នឹងជួបប្រទះនៅក្នុងការប្រកួតដែលនឹងប្រព្រឹត្តទៅនៅ PGE Arena ប្រទេសប៉ូឡូញ។
"យើងពិតជាមានមោទនភាពណាស់ដែល Arsenal គឺជាក្រុមដ៏ល្អមួយ ហើយយើងបានធ្វើការយ៉ាងខ្លាំងនៅរាត្រីនេះឡើងទៅបន្តទៀត” ។
លោក Emery និយាយក្នុង Goal.com ថា៖ “ ស្ថានភាពនេះគឺដូចគ្នានឹងការប្រកួតទី ១ [នៅអេស្បាញ] ហើយយើងអាចឈានដល់វគ្គផ្តាច់ព្រ័ត្រ”។
"យើងបានប្រឈមនឹងការប្រកួតនេះទាំងតឹងតែង កីឡាកររបស់ខ្ញុំលេងអស់ពីសមត្ថភាពក្នុងការជួយគ្នាទៅវិញទៅមក។ យើងបានធ្វើការយ៉ាងលំបាកនៅយប់នេះ [នៅព្រឹកនេះ] ហើយទីបំផុតយើងជាអ្នកឡើង។ ”
"ខ្ញុំដឹងថាវាពិតជាលំបាកណាស់ក្នុងការប្រឈមមុខជាមួយក្រុម Manchester United ប៉ុន្តែថ្ងៃនេះយើងចង់សប្បាយជាមួយពេលវេលាដ៏រីករាយនេះ។
លោក Unai Emery បានមានប្រសាសន៍ថា៖“ យើងអាចជួបពួកគេហើយ យើងនឹងបង្ហាញទម្រង់លេងឲ្យល្អបំផុតដល់អ្នកគាំទ្ររបស់យើង” ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
