អ្នកកាសែតស្និទជាមួយ Man Utd ម្នាក់ថា Cavani ពិតជានៅបន្តជាមួយបិសាចក្រហមប្រាកដណាស់
យោងតាមប្រភពព័ត៌មានអ្នកកាសែតម្នាក់ឈ្មោះ Jonathan Shrager ដែលស្និទជាមួយក្រុម Man United បានឱ្យដឹងថាពេលវេលាគ្រាន់តែជាបញ្ហាមួយ មុនពេលដែល Edinson Cavani ចុះកុងត្រាថ្មីជាមួយក្លឹប។
លោក Shrager បានអះអាងថាបុរសវ័យ ៣៤ ឆ្នាំរូបនេះនឹងនៅជាមួយបិសាចក្រហមនៅរដូវក្តៅនេះ បើទោះបីជាមានការព្រួយបារម្ភពីអនាគតរបស់គាត់ក៏ដោយ។
កិច្ចព្រមព្រៀងថ្មីរបស់ Cavani នឹងដំណើរការរហូតដល់ឆ្នាំ ២០២២ ជាមួយនឹងជម្រើសក្នុងការបន្តរហូតដល់ឆ្នាំ ២០២៣។ នេះគឺជាដំណឹងដ៏អស្ចារ្យមួយ ខណៈដែលលោក Ole Gunnar Solskjaer ក៏បានបង្ហាញពីបំណងប្រាថ្នារបស់គាត់សម្រាប់អនាគតរបស់ខ្សែប្រយុទ្ធអ៊ុយរូហ្គាយរូបនេះផងដែរ។
ចាប់តាំងពីចូលរួមជាមួយបិសាចក្រហម Edinson បានរកគ្រាប់បាល់បាន ១២ គ្រាប់គ្រប់ការប្រកួតទាំងអស់សម្រាប់ United នៅរដូវកាលនេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
