Bruno Fernandes ថាបិសាចក្រហមឡើងជើងមួយរយៈក្រោយដោយសារកីឡាករ២នាក់នេះជួយ
Bruno Fernandes បាននិយាយថារកនរណាម្នាក់មកជំនួសកីឡាករ២នាក់នេះពិតជាពិបាកហើយសម្រាប់ Man Utd ខណៈដែលកីឡាករជម្រើសជាតិព័រទុយហ្គាល់រូបនេះថាវត្តមានរបស់ពួកគេជួយឲ្យបិសាចក្រហមឡើងជើងខ្លាំងក្នុងរយៈពេលចុងក្រោយនេះ។
នៅពេលត្រូវបានគេសួរអំពីអនាគតរបស់ Edinson Cavani និង Paul Pogba ខណៈកិច្ចសន្យារបស់ពួកគេទាំងពីរអស់សុពលភាព Bruno Fernandes បាននិយាយថា៖ "ពួកគេពិតជាមានសារៈសំខាន់សម្រាប់យើង ហើយគុណសម្បត្តិដែលពួកគេមាន វាពិបាកក្នុងការស្វែងរកនៅលើទីផ្សារក្នុងតម្លៃសមរម្យ"។
""ខ្ញុំគិតថាអ្នករាល់គ្នាដឹងថាក្រុមកំពុងរីកចម្រើនដោយមានជំនួយរបស់ពួកគេ ហើយវាសំខាន់ណាស់សម្រាប់យើងក្នុងការរក្សាកីឡាករឆ្នើមរបស់យើង និងបន្តធ្វើឱ្យប្រសើរឡើងក្នុងនាមជាក្រុមល្អមួយ" ។
ការលើកឡើងរបស់ខ្សែបម្រើក្រុមបិសាចក្រហមរូបនេះមិនខុសអ្វីនោះទេ ពោលគឺទាំង Cavani និង Pogba បានដើរតួនាទីយ៉ាងសំខាន់ក្នុងជោគជ័យរបស់យើងនៅលើទីលាន។ ទោះយ៉ាងណា! កិច្ចព្រមព្រៀងរបស់ Cavani គ្រោងនឹងផុតកំណត់នៅរដូវក្តៅនេះ ខណៈដែល Pogba នឹងបញ្ចប់នៅឆ្នាំក្រោយ។ ទោះបីជាបិសាចក្រហមនៅតែមានពេលវេលាច្រើនជាមួយខ្សែបម្រើសញ្ជាតិបារាំងក៏ដោយ ប៉ុន្តែសម្រាប់ Cavani អាចនឹងចាកចេញពេលចប់រដូវកាលនេះបើក្លិបមិនបានបន្តកុងត្រាឲ្យបន្ថែមទៀតនោះ។
អ្នកកាសែតម្នាក់ឈ្មោះ Jonathan Shrager បាននិយាយថា Cavani នឹងត្រូវបានផ្តល់កិច្ចសន្យាថ្មីរហូតដល់ឆ្នាំ ២០២២ ជាមួយនឹងជម្រើសដើម្បីបន្តរហូតដល់ឆ្នាំ ២០២៣ ៕
ព័ត៌មានថ្មីៗ
