ចាំទុកទៅ! ដឹងថាខ្លួនឯងត្រូវធ្វើដំណើរផ្លូវឆ្ងាយ ត្រូវជៀសឲ្យបានអាហារ ៥ ប្រភេទនេះ
នៅពេលដែលអ្នកធ្វើដំណើរតាមរថយន្ត ឬយន្តហោះលើចម្ងាយផ្លូវដ៏ឆ្ងាយមួយ អ្នកតែងតែបន្ទោបង់ច្រើនជាងធម្មតា ហើយនោះគឺដោយសារកត្តាចំណីអាហារដែលអ្នកបានទទួលចូលទៅនោះឯង។ ខាងក្រោមយើងណែនាំអាហារ ៥ ប្រភេទដែលអ្នកគួរតែជៀសវាង៖
៥) អាហារហឹរ
ប្រភេទអាហារហឹរគឺមានរសជាតិឆ្ងាញ់ហើយ ខណៈប្រភេទអាហារខ្លះក៏មានផ្តល់នូវវីតាមីនសម្រាប់រាងកាយទៀតផង។ ប៉ុន្តែវាងាយនឹងនាំឲ្យប៉ះពាល់ដល់ប្លោកនោមខ្លាំង ហើយអាចឈឺក្រពះសម្រាប់មនុស្សមួយចំនួន បែបនេះគួរតែទទួលទាននូវអាហារធម្មតា មិនហឹរគឺល្អបំផុត។
៤) អាហារផ្អែមខ្លាំង
នៅពេលដែលជាតិផ្អែមចូលខ្លួន គឺកាន់តែងាយឲ្យអ្នកចង់បន្ទោបង់ខ្លាំងបំផុត ហើយវាក៏ធ្វើឲ្យរលាកប្លោកនោមផងដែរ ប្រសិនអ្នកទប់វាយូរពេក។ ប្រសិនចង់ទទួលទានរបស់ផ្អែម គួរជំនួសមកវិញនូវការទទួលទានផ្លែឈើគឺល្អជាង។
៣) ជាតិកាហ្វេអ៊ីន
ជាតិកាហ្វេអ៊ីនជួយឲ្យអ្នកបាត់ងងុយគេង តែនិយាយពីផលអវិជ្ជមានវិញ ក៏ជះមកច្រើនដែរ។ ដោយសារតែការរំញោចនូវជាតិកាហ្វេអ៊ីន វាក៏រំញោចដល់ទាំងខួរក្បាល ហើយក៏ជំរុញឲ្យបេះដូងនិងប្លោកនោមធ្វើការខ្លាំងជាងមុន។ មិនត្រឹមតែកាហ្វេមួយមុខទេ សូម្បីតែប្រភេទស្ករសូកូឡាក៏អ្នកគួរតែជៀសវាងដែរ។
២) ផ្លែបឺរី
ដ្បិតបើផ្លែបឺរីល្អចំពោះសុខភាពសរសៃឈាមបេះដូង ប៉ុន្តែភាពជូរនៃវា គឺនឹងធ្វើឲ្យយើងងាយនោមញឹកញាប់។
១) ប៉េងប៉ោះ
ប៉េងប៉ោះល្អសម្រាប់រាងកាយ តែក៏មានជាតិអាស៊ីតច្រើនដែរនៅក្នុងនោះ ហើយវាអាចបំផ្លាញប្លោកនោម និងបំពង់ទឹកនោម។ បែបនេះបើចង់ទទួលទានបន្លែ គួរតែទទួលទាននៅប្រភេទបន្លែផ្សេងវិញ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
