UEFA អនុញ្ញាតិឲ្យអ្នកគាំទ្រចូលទស្សនាវគ្គផ្ដាច់ព្រ័ត្រ Europa League
UEFA បានបញ្ជាក់ជាផ្លូវការថាការប្រកួតផ្តាច់ព្រ័ត្រ Europa League ឆ្នាំ ២០២០/២១ ខាងមុខនេះនឹងបើកឲ្យអ្នកទស្សនាចូលមើលផ្ទាល់តែម្ដង។
យោងតាមសេចក្តីប្រកាសកាលពីថ្ងៃច័ន្ទ អ្នកគាំទ្ររហូតដល់ ៩.៥០០ នាក់នឹងត្រូវបានអនុញ្ញាតឱ្យចូលទៅក្នុងកីឡដ្ឋាន Energa ក្នុងទីក្រុង Gdansk នៃប្រទេសប៉ូឡូញនៅថ្ងៃទី ២៦ ខែឧសភា។ សេចក្តីថ្លែងការណ៍ផ្លូវការមួយបានសរសេរថា៖
"អាជ្ញាធរប៉ូឡូញបានបញ្ជាក់ដល់ UEFA ថាកីឡដ្ឋានដែលទុកសម្រាប់លេងជំនួបផ្ដាច់ព្រ័ត្រនេះអាចមានសមត្ថភាពដាក់អ្នកទស្សនាបាន២៥% ឬ៩៥០០នាក់។ អ្នកគាំទ្រមកពីបរទេសនឹងត្រូវគោរពតាមការរឹតត្បិត និងតម្រូវការចូលព្រំដែន។ "
ក្រុមបិសាចក្រហម Manchester United សឹងតែឆ្លងផុតឡើងវគ្គផ្តាច់ព្រ័ត្រ Europa League បន្ទាប់ពីបំបាក់ក្រុម AS Roma ៦-២ ក្នុងការប្រកួតជើងទី ១ វគ្គពាក់កណ្តាលផ្តាច់ព្រ័ត្រ កាលពីថ្ងៃព្រហស្បតិ៍សប្តាហ៍មុន។ បិសាចក្រហមអាចនឹងឡើងទៅប៉ះជាមួយ Arsenal ឬ Villarreal ។
ប្រភព៖ UEFA ផ្លូវការ
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
