អត្ថប្រយោជន៍ពីសណ្ដែកខៀវ ដែលអ្នកពុំគួរមើលរំលងនោះឡើយ
សណ្តែកខៀវ ជាប្រភេទដំណាំដែលមនុស្សធ្វើការដាំដុះតាំងពីបុរាណមក ហើយវាក៏ជាធញ្ញជាតិដែលមនុស្សយកវាមកធ្វើជាអាហារសម្រាប់ទទួលទានបានជាច្រើនមុខថែមទៀតផង។ សណ្តែកខៀវ វាជាអាហារដែលមានគុណប្រយោជន៍ច្រើនមុខ ព្រោះវាមានផ្ទុកទៅដោយសារធាតុជាច្រើន ដូចជា ជាតិសរសៃ ម៉ាញ៉េស្យូម ម៉ងកាណែស ផូស្វ័រ ទង់ដែង ប៉ូតាស្យូម ស័ង្កសី ហើយវាក៏ផ្ទុកផងដែរនូវ វីតាមីន B9 វីតាមីន B1 វីតាមីន B2 វីតាមីន B3 វីតាមីន B5 និង វីតាមីន B6 សារធាតុទាំងនេះផ្តល់អត្ថប្រយោជន៍ដល់សុខភាពមនុស្សដូចជាយ៉ាងច្រើនបន្ថែមទៀត។
១. មានសារធាតុប្រឆាំងអុកស៊ីតកម្មខ្ពស់
សណ្តែកខៀវ ផ្ទុកទៅដោយ សារធាតុប្រឆាំងអុកស៊ីតកម្មជាច្រើន ដូចជា phenolic acids, flavonoids, caffeic acid cinnamic acid និងសារធាតុដទៃទៀត។ សារធាតុទាំងនេះវាជួយរក្សាតុល្យភាពសារធាតុវិទ្យុសកម្មដែលបង្កើតឡើយដោយរាងកាយរបស់យើង។ បរិមាណសារធាតុច្រើនហួសវានឹងបង្កឱ្យមានផលអវិជ្ជមានដល់សុខភាពរបស់យើង ដែលវាអាចជួយដល់ជំងឺ ក្នុងរាងកាយដូចជា ជំងឺរ៉ាំរ៉ៃ ការរលាក ជំងឺបេះដូង មហារីក និងជំងឺផ្សេងៗទៀត។ មួយវិញទៀតធាតុ vitexin និង isovitexin ដែលមាននៅក្នុងសណ្តែកខៀវនេះ វាក៏អាចជួយបង្ការពីរ៉ាឌីកាល់សេរីដែលមាននៅក្នុងខ្លួនរបស់យើងក្នុងការបង្កផលប៉ះពាល់ដល់សុខភាពបេះដូងនៅពេលយើងរងនៅក្រោមកំដៅថ្ងៃក្តៅបានផងដែរ។
២. បញ្ចៀសពីជំងឺគាំងបេះដូង
ការសិក្សាលើថនិកសត្វដោយផ្តល់ជាលទិ្ធផលបញ្ជាក់ថា សារធាតុប្រឆាំងនឹងអុកស៊ីតកម្មក្នុងសណ្តែកខៀវ អាចកាត់បន្ថយ cholesterol មិនល្អក្នុងរាងកាយរបស់ពួកវា។ ចំពោះមនុស្សអាចមានការប្រសិទ្ធភាពនៅពេលប្រើប្រភេទ សណ្តែកច្រើនមុខសម្រាប់កាត់បន្ថយ cholesterol មិនល្អទាំងនោះ។ ម្យ៉ាងវិញទៀត សណ្តែកខៀវ វាក៏ជាប្រភពនៃ សាធាតុ ប៉ូតាស្យូម ម៉ាញ៉េស្យូម និងជាតិសរសៃ ដែលសារធាតុទាំងនេះ វាបានជួយសម្រួលដល់ការកើនឡើងនៃសម្ពាធឈាមរបស់មនុស្ស តែវាក៏អាចបញ្ចុះសម្ពាធឈាមក្នុងខ្លួនមនុស្សវ័យជំទង់ ទោះជាយើងមិនមានការកើនឡើងនៃសម្ពាធឈាមក៏ដោយ។
៣. ជួយដល់សុខភាពប្រព័ន្ធរំលាយអាហារ
ដោយសារសណ្តែកខៀវវាសម្បូរទៅដោយជាតិសរសៃងាយរលាយ និង resistant starch ដែលអាចជំនួយដល់សុខភាពពោះវៀនរបស់មនុស្ស បូកផ្សំនឹងជាតិស្ករទាបជាងប្រភេទសណ្តែកដទៃ ដោយមិនធ្វើឱ្យយើងមានអាការៈហើមពោះនោះឡើយ។ ម្យ៉ាងវិញទៀត វាក៏សម្បូរទៅដោយប្រូតេអ៊ីន ធ្វើឱ្យយើងមានអារម្មណ៍ឆ្អែតបានយូរ ជាអាហារល្អសម្រាប់ជួយដល់ការសម្រកទម្ងន់។
៤. សម្បូរទៅដោយវីតាមីន B9
វីតាមីន B9 ព្រមទាំងជាតិដែក និងប្រូតេអ៊ីន វាជាតម្រូវការសម្រាប់ស្ត្រី ជាពិសេសសម្រាប់ស្រ្តីមានផ្ទៃពោះ សណ្តែកខៀវ វាសម្បូរនូវសារធាតុទាំងនេះ ដែលអាចប្រើសម្រាប់បរិភោគសម្រាប់បង្កើនបរិមាណសារធាតុទាំងនេះនៅក្នុងខ្លួន តែការបរិភោគសណ្តែកបណ្តុះ វាមិនល្អសម្រាប់ស្រ្តីមានផ្ទៃពោះនោះទេ ដោយសារតែមូលហេតុចម្បងមួយ គឺវាអាចផ្ទុកនូវពពួកបាត់តេរីដែលអាចបង្កផលប៉ះពាល់ដល់សុខភាព៕
ប្រែសម្រួល ៖ Mythical Bird
ព័ត៌មានថ្មីៗ
