ទីបំផុត! Bruno ទម្លាយអំពីយុទ្ធសាស្រ្តរបស់លោក Ole បញ្ចុះបញ្ចូលគាត់ឲ្យមកលេងនៅ Man Utd
Bruno Fernandes បានទម្លាយអំពីទំនាក់ទំនងរវាងគាត់ និងគ្រូបង្វឹកបិសាចក្រហម Manchester United លោក Ole Gunnar Solskjaer ហើយគាត់ថែមទាំងបន្ថែមទៀតថា វាពិតជាសំខាន់ដែលក្លិបបានជឿជាក់ទៅលើគាត់។
នៅពេលអ្នកកាសែតសួរថាតើលោកOle Gunnar Solskjaer បានប្រាប់ដូចម្ដេចខ្លះ បានជាយល់ព្រមមកចូលរួមជាមួយ Manchester United ហើយ Bruno Fernandes បានប្រាប់ទៅកាន់កាសែត Four Four Two ថា៖“ គាត់គ្រាន់តែប្រាប់ខ្ញុំថាធ្វើអ្វីដែលខ្លួនឯងចង់ធ្វើ"។
"រីករាយជាការប្រកួតដោយខ្លួនឯង លេងតាមស្ដាយរបស់ខ្លួនទៅ! គាត់បាននិយាយថាគាត់បានមើលខ្ញុំលេងឱ្យ Sporting ហើយគាត់ចង់បាន Bruno លេងនៅទីនេះដូចលេងនៅទីនោះ គឺលេងរបៀបអ្នកដែលព្យាយាមដឹកនាំក្រុម"។
"វាជាការសំខាន់ណាស់ ដែលក្លឹបជឿជាក់ថាខ្ញុំគឺជាខ្ញុំ»។
ក្នុងតំណែងបម្រើប្រយុទ្ធ Bruno បានក្លាយជាផ្នែកមួយសំខាន់របស់ក្លិប ពិសេសដឹកនាំក្នុងតំបន់ប្រយុទ្ធហើយបានបង្ហាញភាពជាអ្នកដឹកនាំលើទីលាន។ ជាមួយនិងការស៊ុតបញ្ចូលទី២៧គ្រាប់គ្រប់ពានរង្វាន់ក្នុងរដូវកាលនេះ ខ្សែបម្រើសញ្ជាតិព័រទុយហ្គាល់បានក្លាយជាផ្នែកមួយសំខាន់របស់លោក Ole៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
