Messi ត្រៀមទទួលវ៉ាក់សាំង – មិនមែន Pfizer ឬ AstraZeneca ទេហើយវាផលិតនៅក្នុងប្រទេសចិន
យោងតាមប្រភពជាច្រើនបានឱ្យដឹងថាLionel Messi និងក្រុមជម្រើសជាតិអាហ្សង់ទីនទាំងមូលនឹងទទួលបានការចាក់វ៉ាក់សាំងប្រឆាំងCOVID-19 ក្នុងកំឡុងការប្រកួតពានរង្វាន់ 2021 Copa America។
សហព័ន្ធកីឡាបាល់ទាត់អាមេរិចខាងត្បូង CONMEBOL មិនបានចុះកិច្ចសន្យាជាមួយក្រុមហ៊ុនផលិតវ៉ាក់សាំងដ៏មានប្រជាប្រិយ Pfizer ឬ AstraZeneca សម្រាប់បំពេញភារកិច្ចនេះទេ ផ្ទុយទៅវិញ! វ៉ាក់សាំងចិន Sinovac នឹងត្រូវផ្តល់ជូនដល់កីឡាកររបស់ពួកគេ។
ថ្លែងប្រាប់ Marca អំពីព័ត៌មាននេះ លោក Alejandro Dominguez ប្រធានសហព័ន្ធ CONMEBOL មានប្រសាសន៍ថា៖“ នេះនឹងផ្តល់ឱ្យកីឡាករនិងបរិដ្ឋានទាំងមូលនូវឧបករណ៍មួយបន្ថែមទៀត ពីព្រោះយើងទាំងអស់គ្នាដឹងថាក្រុមមួយមិនមែនបង្កើតឡើងដោយកីឡាករតែម្នាក់នោះទេ អង្គភាពទាំងមូលនឹងមានឱកាស ត្រូវបានទទួលថ្នាំបង្ការ"។
CONMEBOL បានត្រៀមចាក់វ៉ាក់សាំងស៊ីណូវ៉ាកចិនចំនួន ៥០,០០០ដូស ក្នុងការត្រៀមខ្លួនសម្រាប់តម្រូវការចាក់កីឡាករនិងបុគ្គលនានាក្នុងពានរង្វាន់ Copa America។ Messi បានចាក់វ៉ាក់សាំងការពារកូវីដ១៩នៅ FC Barcelona រួចហើយ ប៉ុន្តែគាត់ត្រូវចាក់វ៉ាក់សាំងចិននៅ Copa ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
