Sir Alex ទម្លាយថាបញ្ចុះបញ្ចូលកីឡាករម្នាក់នេះមកលេងនៅ Man Utd មិនដែលបានទាល់តែសោះ
លោក Sir Alex Ferguson ទទួលខុសត្រូវលើការផ្ទេរចេញផ្ទេរចូលកីឡាកររាប់សិបនាក់ អំឡុងពេលលោកទទួលបន្ទុកនៅក្លិប Manchester United ពីឆ្នាំ ១៩៨៦ ដល់ឆ្នាំ ២០១៣ ។
ទោះជាយ៉ាងណាក៏ដោយ! នៅពេលវីរបុរសសសញ្ជាតិស្កុតឡែនចង់នាំយកកំពូលតារាជម្រើសជាតិអ៊ីតាលី Francesco Totti ទៅកាន់ Old Trafford គាត់ត្រូវបានគេប្រាប់ភ្លាមៗអំពីទំនាក់ទំនងខ្សែបម្រើរូបនេះទៅនឹងក្លិប AS Roma និងទីក្រុងរ៉ូម។
បុរសវ័យ ៧៩ ឆ្នាំរូបនេះបាននិយាយនៅក្នុងបទសម្ភាសន៍ជាមួយ Gazzetta dello Sport ថា៖«យើងចូលចិត្តកីឡាករដូចជាគាត់ ហើយយើងចង់បញ្ចូលគាត់ទៅក្នុងបញ្ជីរបស់យើង"។
“ គ្រាន់តែយើងបង្ហាញចំណាប់អារម្មណ៍របស់យើងថាចង់បានគាត់ មានគេប្រាប់ថាTotti មិនចង់ចាកចេញពីទីក្រុងរ៉ូមទេ។ គាត់ត្រូវបានភ្ជាប់យ៉ាងជិតស្និទ្ធទៅនឹងទីក្រុងរបស់គាត់។ CV របស់គាត់បានបញ្ជាក់ច្បាស់ណាស់ គឺAS Roma"។
Totti បានបញ្ចប់អាជីពបាល់ទាត់ពេញមួយជីវិតនៅឯ Roma ។ គាត់ប្រកាសបានចូលនិវត្តន៍ពីបាល់ទាត់ក្នុងឆ្នាំ ២០១៧ ក្នុងអាយុ ៣៩ ឆ្នាំបន្ទាប់ពីរកបាន ២៥០ គ្រាប់ក្នុងការប្រកួតចំនួន ៦១៩ លើក៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
