គ្រូបង្វឹកក្លិបគោជល់អូទ្រីស Red Bull Salzburg ផ្ទេរទៅដឹកនាំក្លិបគោជល់អាល្លឺម៉ង់RB Leipzigជំនួសលោក Julian Nagelsmann
លោក Jesse Marsch គ្រូបង្វឹកក្រុម Red Bull Salzburg នឹងចូលកាន់តំណែងនៅក្លិបបងប្អូនបង្កើតរបស់ខ្លួននៅអាល្លឺម៉ង់ RB Leipzig បន្ទាប់ពីលោក Julian Nagelsmann ចាកចេញទៅកាន់ក្រុម Bayern Munich ។
បន្ទាប់ពីលោក Julian Nagelsmann ត្រូវបានប្រកាសជាគ្រូបង្វឹកថ្មីរបស់ក្លិប Bayern Munich សម្រាប់រដូវកាលក្រោយ ក្រុម RB Leipzig ត្រូវការពេលវេលាតិចជាង ២៤ ម៉ោង ដើម្បីសម្រេចចិត្តលើការតែងតាំងគ្រូបង្វឹកថ្មីដើម្បីដឹកនាំពួកគេបន្តទៀត។ បុរសម្នាក់នោះមានឈ្មោះថា Jesse Marsch ដែលជាក្លិបបានបញ្ជាក់នៅក្នុងសារ Twitter នៅថ្ងៃព្រហស្បតិ៍នេះ។
📂 RB Leipzig
└📁 Internal
└📁 TopSecret
└⚠️ DefinetlyDontPublish.mp4 pic.twitter.com/ASzyLyWK40
— Die Roten Bullen (@DieRotenBullen) April 29, 2021
លោក Marsch មានអាយុ ៤៧ ឆ្នាំគឺជាគ្រូបង្វឹកចេញពីក្លិបត្រកូល Red Bull ដោយលោកធ្លាប់បង្វឹកក្រុម New York Red Bulls លីគកំពូលអាមេរិក MLS ឆ្នាំ ២០១៥ ដល់ ២០១៨ មុនចំណាយពេលមួយរដូវក្នុងនាមជាជំនួយការគ្រូបង្វឹកក្រោមការដឹកនាំរបស់ Ralf Rangnick នៅ Leipzig ។
គ្រូបង្វឹកសញ្ជាតិអាមេរិករូបនេះបានជំនួសលោក Marco Rose ដែលជាគ្រូបង្វឹកក្លិប Red Bull Salzburg ដោយបានចុះកុងត្រារហូតដល់ខែមិថុនាឆ្នាំ ២០២២ ។ រដូវកាលដំបូងរបស់គាត់!គាត់ជួយក្លិបមួយនេះឈ្នះពានក្នុងស្រុករបស់អូទ្រីសចំនួន៣ ហើយរដូវកាលនេះក្លិបគោជល់អូទ្រីសមួយនេះអាចនឹងឈ្នះពានក្នុងស្រុកចំនួន៣បន្ថែមទៀត។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
