Mkhitaryan ច្រានចោលមតិថាគាត់លេងនៅ Man Utd ជាចំណុចបរាជ័យធំមួយក្នុងអាជីព
"ខ្ញុំមិនដែលស្ដាយក្រោយអំពីការសម្រេចចិត្តមួយនេះទេ"នេះគឺសម្ដីរបស់អតីតខ្សែបម្រើក្លិបបិសាចក្រហមHenrikh Mkhitaryan នៅពេលអ្នកសារព័ត៌មានរបស់កាសែត The Athletic សួរអំពីចំណាប់អារម្មណ៍អំពីការមកចូលរួមជាមួយMan Utd កាលពីឆ្នាំ២០១៦។
“ អ្វីដែលខ្ញុំចង់និយាយគឺខ្ញុំមានការលំបាក ប៉ុន្តែបន្ទាប់ពី ២ ទៅ ៣ ខែដំបូងខ្ញុំមានពេលវេលាល្អណាស់។ ខ្ញុំបានឈ្នះពានរង្វាន់ចំនួន ៣ ជាមួយក្លឹបដែលនោះវាពិតជាអស្ចារ្យណាស់។ អ្នកដឹងទេកីឡាករមួយចំនួនបានលេងនៅ Manchester អស់រយៈពេលជាច្រើនឆ្នាំមកហើយ ប៉ុន្តែពួកគេមិនបានឈ្នះអ្វីទាំងអស់"។
ខ្សែបម្រើសញ្ជាតិអាមេនីរូបនេះបានឈ្នះពានរង្វាន់ Community Shield, League Cup និង Europa League ក្នុងរដូវកាលដំបូងនិងតែមួយគត់របស់គាត់នៅ Old Trafford ។ នៅខែមករាក្នុងរដូវកាលបន្ទាប់ គាត់ត្រូវបានគេប្តូរទៅលេងឱ្យក្រុម Arsenal សម្រាប់ហើយផ្ទេរយក Alexis Sanchez មក Old Trafford ដែលការផ្ទេរនោះកីឡាករទាំងពីរបំពេញការងារមិនបានល្អដូចគ្នា។
ឥឡូវនេះ Mkhitaryan គីផ្នែកសំខាន់ និងជាកីឡាករនាំលេងនៅ AS Roma ដែលជាក្លឹបមួយនឹងត្រូវជួប Man United ក្នុងវគ្គពាក់កណ្ដាលផ្ដាច់ព្រ័ត្រពានរង្វាន់ Europa League នៅយប់នេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
