Zidane ថា៖ លទ្ធផលស្មើយប់មិញហ្នឹងសក្តិសមហើយ
Zizou និយាយថាស្ដេចសពិបាកក្នុងការដាក់សម្ពាធតោខៀវ Chelsea នៅដើមការប្រកួត ទោះយ៉ាងណាក៏ដោយ! ក្រុមរបស់លោក បានធ្វើឱ្យប្រសើរឡើងវិញ បន្ទាប់ពីសម្រាកវគ្គទីមួយ ហើយធ្វើឱ្យវាកាន់តែពិបាកសម្រាប់ក្រុមតោខៀវក្នុងការលេងពីក្រោមទៅវិញ(build up)។
បន្ទាប់ពីការប្រកួតដែលក្រុមរបស់លោកបានត្រឹមយកឈ្មើក្រុមតោខៀវ Chelsea លោក Zinedine Zidane បាននិយាយថា៖" ខ្ញុំគិតថាវាជាលទ្ធផលត្រឹមត្រូវ"។
"វាជាការពិត! ដែលយើងពិបាកជាមួយការតាមបិទដាក់សម្ពាធនៅពេលការប្រកួតចាប់ផ្តើម ប៉ុន្តែយើងបានកែតម្រូវវា។ នៅពាក់កណ្តាលទីពីរយើងល្អប្រសើរជាងមុន។ យើងត្រូវផ្លាស់ប្តូរអ្វីមួយនៅពាក់កណ្តាលម៉ោងដូច្នេះយើងត្រូវធ្វើអ្វីផ្សេងទៀត"។
"ជាពិសេសជាមួយការដាក់សម្ពាធ។ យើងត្រូវតែរួបរួមគ្នាកាន់តែខ្លាំង នៅពេលពួកគេតាមបិទ ហើយយើងកាន់តែបង្រួម"។
"លទ្ធផលចុងក្រោយគឺត្រឹមត្រូវ ពីព្រោះយើងបានប្រកួតជាមួយក្រុមខ្លាំងណាស់ ជាមួយកីឡាកររហ័សរហួនជាពិសេសក្នុងការវាយលុក។ នេះជាការប្រកួតមួយដែលល្អហើយនោះជាជើងទី ២ ក៏ខ្ញុំគិតថាវាច្បាស់ជាអ៊ីចឹងដែរ" ។
Real Madrid បានរបូតគ្រាប់បាល់ដំបូងតាមរយៈការប្រឹងប្រែងរបស់ Pulisic ប៉ុន្តែបានរកគ្រាប់បាល់តាមស្មើភ្លាមៗបន្ទាប់ពី Benzema រកបានគ្រាប់បាល់ដ៏អស្ចារ្យ។
Real Madrid នឹងត្រូវជួបក្រុម Chelsea នៅជើងទីក្នុងកីឡដ្ឋានStamford Bridgeនៅថ្ងៃពុធទី០៥ខែឧសភា៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
