មុនចាកចេញពីតំណែងក្នុងដំណាច់រដូវកាលនេះ Woodward នឹងជ្រើសរើសអ្នកជំនួសតំណែងគាត់ដោយផ្ទាល់
លោក Ed Woodward នឹងធ្វើការសំរេចចិត្តក្នុងការជ្រើសរើសអ្នកស្នងតំណែងផ្ទាល់របស់គាត់ ក្នុងនាមជាអនុប្រធានប្រតិបត្តិរបស់ Man United មុនពេលចាកចេញពីក្លឹបនេះ បើយោងតាមព័ត៌មានរបស់ Manchester Evening News ហើយលោកបានរកឃើញបុគ្គល២រូបហើយ។
The Glazers បានផ្តល់ឱ្យគាត់នូវសេរីភាពក្នុងការសម្រេចចិត្ត ខណៈដែល Woodward ត្រៀមចាកចេញនៅរដូវក្តៅ។ការតែងតាំងបុគ្គលិក ៣ តំណែងចុងក្រោយរបស់ United ក្នុងតួនាទីនេះ គឺជាការតែងតាំងផ្ទៃក្នុងទាំងអស់ដូចជា Woodward, David Gill, ឬ Peter Kenyon ។
លោក Richard Arnold ដែលកាន់តួនាទីនាយកគ្រប់គ្រងក្លឹប (managing director) នឹងផ្ទេរមកកាន់ជាអនុប្រធានក្លិបជំនួសតំណែងរបស់លោក Ed Woodward ។
លោក Cliff Baty ដែលជាប្រធានផ្នែកហិរញ្ញវត្ថុរបស់ក្លិបនេះគឺជាឈ្មោះបុគ្គលផ្ទៃក្នុងមួយផ្សេងទៀតដែលត្រូវបានគេសម្អាងថាអាចមកជំនួសលោក Woodward ក្នុងតួនាទីនេះ។តែយ៉ាងណា! ខណៈដែលលោក Woodward នឹងចាកចេញពេលចប់រដូវកាល មិនទាន់ការតែងតាំងជាផ្លូវការណាមួយនៅឡើយទេ។
ដោយឡែកការរំពឹងទុករបស់អ្នកគាំទ្របិសាចក្រហមចង់ឲ្យអតីតអ្នកចាំទីរបស់ក្លិបលោក Edwin van der Sarr មកជំនួសតំណែងលោក Woodward នោះបែបមិនអាចកើតឡើងទេ ពីព្រោះលោក Woodward មិនចូលចិត្ត ស្របពេលប្រធានបច្ចេកទេសក្លិប Ajax រូបនេះជាបុគ្គលមានឥទ្ធិពលបំផុតក្នុងបាល់ទាត់៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
