Melbourne City ទំនងឡើងមកជំនួសក្លិបមីយ៉ាន់ម៉ាក្នុងវគ្គជម្រុះPlay-off ដោយមិនប្រកួតជម្រុះ Preliminary round
ប្រព័ន្ធផ្សព្វផ្សាយព័ត៌មានមួយចំនួននៅអាស៊ីអាគ្នេយ៍រាយការណ៍ថាMelbourne City នឹងត្រូវទទួលបានឱកាសប្រកួតពានរង្វាន់ AFC Champions League ដោយសារតែការដកខ្លួនរបស់ក្រុមមីយ៉ាន់ម៉ា Shan United ។
តាមរយៈការចាប់ឆ្នោតរបស់ AFC ក្រុម Shan United នឹងត្រូវលេងវគ្គជម្រុះ AFC Chasmpions League ជុំ Preliminary round ប៉ុន្តែ ដោយសារតែស្ថានភាពមិនស្ថិតស្ថេរនៅក្នុងប្រទេសមីយ៉ាន់ម៉ា បន្ទាប់ពីរដ្ឋប្រហារយោធាកាលពីខែកុម្ភៈ ប្រភពសារព័ត៌មានមកពីរដ្ឋធានី Yangon និង Jakarta បានរាយការណ៍ថា Shan United នឹងមិនចាកចេញពីប្រទេសរបស់ខ្លួន នៅក្នុងការប្រកួតជម្រុះដំបូងនេះជាមួយក្លិបមកពីលីគកំពូលអូស្រ្តាលីមួយនេះនោះទេ បន្ទាប់ពីលើកពេលកាលពីខែមេសាមកដល់ខែមិថុនាខាងមុខនេះដោយសារកូវីដ១៩។
ដោយសារតែការប្រកួតនេះគឺជាការប្រកួតដំបូងនៅក្នុងដំណើរការវគ្គជម្រុះ គេគិតថានឹងមិនចាំបាច់មានអ្នកជំនួស Shan United នៅដំណាក់កាលនេះទេ ជាពិសេសជាមួយនឹងស្ថានភាពដែលទ្វីបអាស៊ីកំពុងរង់គ្រោះដោយសារស្ថានភាពនៃការឆ្លងកូវីដ១៩។ វេបសាយកីឡា World Games របស់អូស្រ្តាលីបានរាយការណ៍ថា ខណៈដែលសហព័ន្ធកីឡាបាល់ទាត់ទ្វីបអាស៊ីមិនទាន់បានប្រកាសជាផ្លូវការអំពីការដកខ្លួនចេញ ជំនួប Melbourne-Shan ត្រូវដកចេញពីបញ្ជីការប្រកួតផ្លូវការរបស់គណៈកម្មការរៀបចំការប្រកួត AFC ។
នេះមានន័យថាការដកខ្លួនរបស់ Shan United និងឲ្យ City ឡើងទៅលេងវគ្គជម្រុះ Play-off តែមួយជើងជាមួយក្លិបជប៉ុន Cerezo Osaka នៅថ្ងៃទី២១-២៣ខែមិថុនា។ក្រុមដែលឈ្នះវគ្គនេះនឹងឡើងទៅលេងក្នុងពូលJដែលមានក្លិបចិន Guangzhou FC, Port FC របស់ថៃ និងក្លិប Kitchee របស់ហុងកុង។
Hanthawady United របស់មីយ៉ាន់ម៉ាក៏ត្រូវបានគេរំពឹងថានឹងដកខ្លួនចេញពីការប្រកួតជម្រុះនៅ AFC Cup ដែលជាការប្រកួតក្លឹបលំដាប់ទី ២ នៅអាស៊ីហើយ Persipura របស់ឥណ្ឌូនេស៊ីនឹងឈានទៅវគ្គចែកពូលក្នុងតំបន់អាស៊ានតែម្ដង៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
